Тулгар төрийн 2231, Их Монгол Улс байгуулагдсаны 816, Ардын хувьсгалын 100, 101 жилийн ойн үндэсний их баяр наадамд 1024 бөх зодоглоно. Наадмын тасалбарыг иргэд энэ жилээс эхлэн цахимаар захиалж, худалдаж авах боломжтой болсон. Тодруулбал, Үндэсний их баяр наадмын албан ёсны вэб сайт болох eNaad¬am.mn-ээр авто зогсоолын зөвшөөрлөөс гадна үндсэн үйл ажиллагаатай холбоотой захиалга болон баяр наадмын комиссоос гаргасан нийт 8000 тасалбарыг зарах юм. Уг цахим хуудсанд баяр наадмын хөтөлбөр, 21 аймгийн талаарх мэдээлэл багтжээ. Тасалбар захиалга маргааш eNaadam.mn сайтад идэвхжинэ. Хэрэглэгчид бүртгэлээ ашиглан хоёр тасалбар худалдаж авах боломжтой. Захиалга баталгаажсаны дараа бүртгэлд оруулсан хаягаараа тасалбараа хүргүүлэн авах юм. Мөн тус сайтаар дамжуулан Хүй долоон худагт автомашинаа байршуулах зогсоолын эрхээ ч баталгаажуулж болох аж.
Бэлтгэсэн Г.Батцэцэг
