Дуучин Бритни Спирсын анхны нөхөр Жейсон Александр хуучин эхнэрийнхээ хуримын ёслолын арга хэмжээг Instagram-аар шууд лайв хийхээр оролдон түвээжээ. Энэ тухай TMZ мэдээлэв
Түүнийг гаргах гэж оролдсон хамгаалалтынханд Спирс өөрийг нь хуримандаа урьсан гэж зүтгэсэн байна. Уригдсан зочдын жагсаалтад түүний нэр олдохгүй байсанд Жейсон Александр дуучин бүсгүйг өөрийнх нь "анхны бөгөөд цорын ганц эхнэр" учраас хуримыг бусниулахаар ирсэн гэжээ. Үүний дараа л түүнийг цагдаа нар саатуулсан байна.
Спирсын өмгөөлөгч сэтгүүлчдэд мэдэгдэхдээ "ноён Александрыг хуулийн дагуу хатуу хариуцлага хүлээлгэхийн тулд цагдаагийн хэлтэстэй биечлэн ажиллаж байна" гэжээ.
Бритни Спирс одоогийн амраг, загвар өмсөгч Сэм Асгаритай 2016 онд танилцсан агаад 2021 оны намар Асгари дурлалт эмэгтэйдээ гэрлэх санал тавьжээ. Бритнигийн хувьд Асгари гурав дахь нөхөр болж байгаа юм.
Од бүсгүйн анхны нөхөр Жейсон Александртай 2004 онд гэрлээд 55 цагийн дараа гэрлэлтээ цуцласан байдаг. 2
2004-2007 онд Спирс бүжигчин Кевин Федерлайнтай гэрлэж, хоёр хүүхэдтэй болсон.
