Өнөөдөр гадаа 21 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
5 дугаар сарын 24-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 144 дахь өдөр бөгөөд он дуусахад 221 хоног үлдлээ.
- Цаг агаар өдөртөө 21 хэмийн дулаан бол шөнөдөө 9 градус дулаан байх нь ээ.
- Билгийн тооллын XVII Жарны "Буян үйлдэгч" хэмээх Усан бар жилийн Зуны тэргүүн хөхөгчин могой сарын 24. Ангараг гараг. Шувуун хошуут одтой, гурван хөх мэнгэтэй, улаагчин үхэр өдөр. Өдрийн наран 5 цаг 04 минутад мандан, 20 цаг 34 минутад жаргана. Тухайн өдөр могой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа рилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, лус тахих, бал арилжих, буг дарах, газрын ам бооход сайн. Цөөрөм байгуулах, байшингийн суурь тавих, угаал үйлдэхэд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун хойд зүгт мөрөө гаргавал зохистой.
- Үс шинээр үргээлгэх буюу засуулахад тохиромжгүй бөгөөд өвчин эмгэгтэй болно хэмээжээ.
- Манай улсын голлох валют болох ам.долларын ханш авах нь 3128.00, зарах нь 3134,00 төгрөгтэй тэнцэж байгаа бол бусад валют болох рубль авах нь 47.90, зарах нь 48.50, харин юань авах нь 467.00, зарах нь 469.00, вон авах нь 2.46, зарах нь 2.49 төгрөг байна.
Өнөөдөр болох онцлох үйл явдлууд:
- 9.00 цагт Сангийн яамны хурлын танхимд УИХ-ын Ёс зүй, сахилга хариуцлагын байнгын хороо болон Төрийн албаны зөвлөл хамтран “Төрийн албаны ёс зүйн зөвлөлийг бэхжүүлэх нь” хэлэлцүүлэг зохион байгуулна.
- 10.00 цагт ШУА-ийн Техник технологийн бага чуулган, ШУТИС-ийн Барилга, архитектурын сургуулийн хамтран цахим өдөрлөг зохион байгуулна. Zoom ID: 853 8000 5307
- 11.30 цагт “Улаанбаатар дахь Русский Дом”-д Оросын нэрт зохиолч Исаак Дунаевскийн нэрэмжит Олон улсын дулаачдын XI удаагийн уралдаанд оролцсон Б.Дэлгэрбаяр тэргүүтэй уран бүтээлч нар хэвлэлийн хурал хийнэ.
- 12.00 цагт “Үндэсний мэдээллийн төв”-д Монголын Урчуудын эвлэлийн 80 жилийн ойд зориулсан "Репиний академийн шадар 3" тусгай үзэсгэлэнгийн талаар Монгол арт галерейн гүйцэтгэх захирал П.Батжав, урлаг судлаач нар хэвлэлийн хурал хийнэ.
Энэ өдөр дэлхийн түүхэнд:
- Өнөөдөр бол Дэлхийн эх орончдын өдөр.
- Мөн өнөөдөр Канад улсын Ялалтын баяр тохиож буй.
- 1830 онд Америкийн алдарт "Бяцхан хургатай Мари" бүүвэйн дуу гарчээ.
- 1883 онд АНУ-ын Брүүклиний гүүр 14 жил баригдсаны эцэст нээгджээ.
- 1961 онд Бүгд Найрамдах Кипр улс Европын холбоонд элсжээ.
