Манай гарагт 8000 метрээс дээш өндөртэй 14 оргил байдгаас наймд нь монгол хүн мөрөө гаргасан. Монголын уулчид “ММ14” төсөл хэрэгжүүлж, үлдсэн бүх оргилд гарахаар хичээж байгаа билээ. Энэ удаа “Horizon mountaineering club”-ийн уулчин А.Баттогтох Макалу оргилд өчигдөр өглөө амжилттай гарчээ. Макалу нь өндрөөр (8463 м) дэлхийд тавд ордог оргил бөгөөд монгол хүн анх удаа гарч байгаа юм. А.Баттогтох нь Монголын 4000 метрээс өндөр 14 оргилд гарснаас гадна Европ тивийн ноён оргил Эльбрус, Өмнөд Америк тивийн хамгийн өндөр Аконгагуад мөрөө гаргасан туршлагатай.
З.ГАЛ
