Хөгжмийн ертөнцийн нэвтэрхий толь Биллбоард сэтгүүл 21-ээс доош настай оддын шинэчилсэн жагсаалтыг гаргалаа. Уг жагсаалтад 12 настай Мигуэллагаас эхлээд Жэйми Эванко, “Америкийн шүтээн” Скотти, Уилл Смитийн охин Уиллоу Смит нар багтжээ. Хөгжмийн ертөнцийн нөлөө бүхий “жаал”- уудын жагсаалтыг Жастин Бибер тэргүүлж, түүний найз бүсгүй Селена Гомез удаалсан байна.
Сонирхолтой нь тэдний гаргасан цомог, дуу нь Биллбоардын шилдгийн тоонд багтаж, ихэнх нь тэргүүн байрт жагсаж байсан удаатай. Уг жагсаалтыг гаргахдаа дуучны нас, уран бүтээлийн тоо, чанар болон олон улсын нэр хүндийг нь харгалзан үзжээ. Харин уг жагсаалтад багтсан хамгийн хөгшин одоор 19 настай, цагаан арьст реппер Мак Миллэр тодров.
Т.АДЕЛЕ
