Өнөөдөр гадаа 10 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
3 дугаар сарын 24-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 83 дахь өдөр бөгөөд он дуусахад 282 хоног үлдлээ.
- Цаг агаар өдөртөө 10 хэмийн дулаан бол шөнөдөө -7 градус хүйтэн байх нь ээ.
- Билгийн тооллын XVII Жарны "Буян үйлдэгч" хэмээх Усан бар жилийн хаврын дунд харагчин туулай сарын 22. Бархасвадь гараг. Эрхтний тэнгэр одтой, нэг цагаан мэнгэтэй, улаан хулгана өдөр. Өдрийн наран 6 цаг 47 минутад мандан, 19 цаг 10 минутад жаргана. Тухайн өдөр бар жилтнээ аливаа үйлийг хийхэд эерэг сайн ба үхэр, луу, хонь, нохой жлтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, угаал үйлдэх, хүүхэд үрчлэн авах, улааны үйл, хур оруулах, дархны үйлд сайн. Төлгө тавих, морь уралдахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн урд зүгт мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олдоно хэмээжээ.
- Манай улсын голлох валют болох ам.долларын ханш авах нь 2940.00, зарах нь 2960.00 төгрөгтэй тэнцэж байгаа бол бусад валют болох рубль авах нь 30.00, зарах нь 31.50, юанийн авах ханш 470.00, зарах нь 473.00, вонын авах нь 2.45, зарах нь 2.48 төгрөгтэй тэнцэж байна.
Өнөөдөр болох онцлох үйл явдлууд:
- 8.00 цагт “Корпорейт конвейншн центр”-т “Монголын эдийн засгийн чуулган-2022”-ы Аж үйлдвэржилтийн сэргэлт урьдчилсан хэлэлцүүлэг болно.
- 9.00 цагт СТӨ-нд Эрүүгийн хуульд нэмэлт, өөрчлөлт оруулах тухай, Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төслийн хэлэлцүүлэг болно.
- 9.30 цагт Барилгын политехник коллежийн байранд төгсөгчдийг ажлын байранд зуучлах “АМЖИЛТТАЙ ТӨГСӨЛТ- АЖЛЫН БАЙР” хөдөлмөрийн яармаг болно. Утас: 99003904, 9993000, 99076229
- 10.00 цагт Төрийн ордонд УИХ-ын чуулган хуралдана.
- 10.00 цагт ОБЕГ-т БХБЯ, МХЕГ, Улаанбаатар хотын Захирагчийн ажлын албанаас онцгой байдлын байгууллагаас “Газар хөдлөлтийн аюулаас урьдчилан сэргийлэх, таниулах өдөр”-ийн талаар мэдээлнэ. Утас: 99249813, 86150069
- 11.00 цагт Сүхбаатарын талбайд “Сүрьеэгүй ирээдүйн төлөө хөрөнгө оруулалтыг нэмэгдүүлье” өдөрлөг болно.
- 11.00 цагт “Шихихутуг” их сургуулийн Номын санд Байгаль орчныг хамгаалах, Монгол зан заншил, хууль, цааз” номын нээлт болно.
- 11.00 цагт Багшийн дээдийн "Интер ном" номын дэлгүүрт сонсголгүй иргэдийн эрх ашгийг хамгаалах ТББ-ууд, Сонсголгүй хүүхэдтэй эцэг эхийн холбоод хамтран “Боловсролыг дохионы хэлээр” олон нийтийн нөлөөллийн ажилыг танилцуулах хэвлэлийн хурал зохион байгуулна. Утас: 89052549
- 12.00 цагт Төрийн өмчийн бодлого, зохицуулалтын газраас Хөтөлийн цемент шохойн үйлдвэрийг төрийн өмчид авч байгаатай холбогдуулан хаалттай байсан мэдээллүүдийг ил болгоно. Утас: 99111880
- 12.00 цагт Нийслэлийн Эрүүгийн хэргийн давж заалдах шатны шүүхэд Хөгжлийн банкны захирал асан Н.Мөнхбат нарыг цагаатгасан шүүхийн шийдвэрийг давж заалдах журмаар хэлэлцэнэ.
- 18.00 цагт МУИС-ийн Номын санд боловсролын системийг дэмжих "Гараа" төслийн нээлт болно.
Энэ өдөр дэлхийн түүхэнд:
- Өнөөдөр Сүрьеэ өвчинтэй тэмцэх дэлхийн өдөр тохиож байна.
- 1882 онд Германы эрдэмтэн Роберт Кох сүрьеэ өвчнийг үүсгэгч нянг тодорхойлсон тухайгаа Берлин хотноо Физиологийн нийгэмлэгийн хуралдаан дээр зарлажээ.
- 1984 оны энэ өдөр БНСУ-ын охидын алдарт хамтлаг болох 2NE1-ийн гишүүн Park Bom мэндэлжээ.
- 1999 онд Европын Альпийн нурууны Монт Бланк нүхэн гарцанд гал гарч, 39 хүн амь насаа алдаж байжээ.
- 2008 онд Бутан улс албан ёсоор ардчилсан засаглалтай болж, бүх нийтийн сонгуулийг явуулж байжээ.
