Монголын орчин цагийн хөгжмийн урлагийн “загалмайлсан эцэг” З.Зундарь, рок попын анхны гавьяат Д.Галсанбат нарт хүндэтгэл үзүүлэх тоглолт ирэх гуравдугаар сарын 5-нд болно. З.Зундарь “Соёл-Эрдэнэ” хамтлагийг байгуулахад авьяас билгээ зориулсан, хөгжмийн зохиолч, дуучин, хөгжимчин. Д.Галсанбат “Соёл-Эрдэнэ” хамтлагийн гурван үетэй хамтран уран бүтээлээ туурвиж явсан Монголын нэрт гитарчин. Тэдэнд хүндэтгэл үзүүлэх тоглолтод “Чингис хаан” хамтлагийн ахлагч, Ардын жүжигчин Д.Жаргалсайхан, хөгжмийн зохиолч, Гавьяат жүжигчин Г.Жаргалсайхан, “Харанга” хамтлагийн гитарчин, Урлагийн гавьяат зүтгэлтэн Я.Одсүрэн, гитарчин Д.Өлзий-Орших нар оролцоно. Мөн дуучин Б.Хонгор, Н.Наранбаатар, Б.Маралжингоо, Б.Нацагдорж, А.Хишигдалай нарын уран бүтээлч оролцох аж. “Галсанбат & Зуундарь” тоглолтыг “Корпорэйт” зочид буудлын тоглолтын танхимд үзээрэй
