Дэлхийн утга зохиолын ноён оргил У.Шекспирийн “Ромео, Жульетта” зохиолоос сэдэвлэсэн балет, дуурь, жүжиг, уран сайхны кино олон. Манай улсад анх 1966 онд Ардын жүжигчин С.Гэндэн найруулагч Хүүхэд, залуучуудын театрт эл жүжгийг тавьж, үүнээс 30 жилийн дараа Урлагийн гавьяат зүтгэлтэн найруулагч Ч.Найдандорж УДЭТ-ын тайзнаа шинэчлэн дэглэж, сүүлд 2015 онд Төрийн шагналт Н.Наранбаатар УДЭТ-ын урын санд “Ромео, Жульетта” жүжгийг орчин үеийн тавилттай найруулж, жүжигчин Б.Шинэбаяр, О.Дөлгөөн нар тоглосон. Тус жүжгийг 2015 оноос хойш 150 гаруй удаа тоглож, 65 000 орчим үзэгчид хүргэжээ. Тэгвэл энэхүү уран бүтээлийг 2015 онд үзэгчдэд хүргэсэн хувилбараар буюу Б.Шинэбаяр, О.Дөлгөөн, Ж.Оюундарь, С.Болд-Эрдэнэ, Г.Эрдэнэбилэг, Э.Тодгэрэл, Б.Золжаргал, Г.Алтангэрэл нарын уран бүтээлчийн тоглосноор “Univision”, “DDish”, “Skymedia”, Skygo.mn, “Voo”, “Look¬TV” зэрэг IPTV-ийн видео сангаас үзэх боломжтой боллоо.
