Эмнэлгийн зориулалттай, хэдийн ашиглачихсан хэдэн арван сая бээлийг Тайландаас АНУ-д нийлүүлснийг CNN телевизийн сэтгүүлчид эрэн сурвалжлан илүүлжээ. Энэ баримтын дагуу тус хоёр улсын эрх баригчид мөрдөн шалгалт хийж эхэлсэн гэнэ. Уг хэрэгт Тайландын “Paddy the room” компани холбогджээ.
CNN телевизийн мэдээлснээр чанаргүй, бохир бээлий удаа дараа Тайландаас авснаа өнгөрсөн хоёр, гуравдугаар сард Америкийн нэг компани Гааль, хилийн хяналтын алба, Хүнс, эмийн чанарт хяналт тавих газарт мэдээлсэн аж. Зарим бээлий нь цусны толботой байсан гэнэ.
