Египетийн Ерөнхийлөгч Хосни Мубаракийг огцруулахыг шаардсан эсэргүүцлийн хөдөлгөөн бүх нийтийг хамарсан үймээн болон даамжирсан билээ. Өнгөрсөн нэгдүгээр сарын 25- наас үргэлжилж буй энэ жагсаалын үеэр 297 хүн амиа алдсан гэж хүний эрхийг хамгаалах “Human Rights Watch” олон улсын байгууллагаас мэдэгдлээ.
Каир, Суэц, Александрии хотод болсон үймээнд өртсөн эдгээр иргэдийн дотор гадаадынхан ч бий. Харин тус улсын Эрүүл мэндийн яамнаас одоо хүртэл энэ тухай албан ёсны мэдэгдэл хийгээгүй байна.
