Дэлхийн байгаль хамгаалах сан (WWF)-г одоогоос 60 жилийн өмнө буюу 1961 онд байгуулж байжээ. Тухайн үед Швейцарийн хууль ёсны дагуу дээрх байгууллагыг бүртгэсэн бөгөөд эдүгээ дэлхий даяар таван сая гишүүн, дэмжигчтэй, 100 гаруй оронд байгаль орчныг хамгаалах чиглэлээр үйл ажиллагаа явуулдаг томоохон байгууллага болжээ.
1961 онд "Дэлхийн байгаль хамгаалах сан"-г байгуулахад үндсэн санаачлагч, мөн үүнээс хойш бүхий л үйл ажиллагаанд маш идэвхтэй оролцож ирсэн хүн бол Их Британийн хатан хаан II Элизаветагийн нөхөр, хунтайж, Эдинбургийн гүн Филипп байсан юм. Тэрбээр эл санг үүсгэн байгуулаад зогсохгүй 1981-1996 онд "Дэлхийн байгаль хамгаалах сан"-гийн Ерөнхийлөгчөөр ажиллаж байсан, байгаль хамгаалагч аж. Түүний үүсгэн байгуулсан дээрх сангийн таван сая гаруй гишүүнд 60 жилийн ойн мэнд хүргэе.
.
