Увс аймгийн Улаангом сумын нэгдүгээр багийн Чандмань хороололд байрлах Ургамал, газар тариалангийн хүрээлэнгийн хашаанд гал гарч байна гэх дуудлагыг өчигдөр 12.25 цагт тус аймгийн Онцгой байдлын газарт ирүүлжээ. Улмаар Гал түймэр унтраах, аврах 41 дүгээр ангийн алба хаагчид гурван километр замыг туулан, 12.30 цагт очиж, нэг цаг гаруй ажилласны эцэст галыг унтраасан байна. Төрийн өмчид гарсан эл түймэрт 0.2 га талбай өртсөн гэнэ.
