Зургийг: БОАЖЯ
Ховд аймгийн Жаргалант сумын нутагт өнөөдөр 10.00 цагийн байдлаар баруун өмнөөс 15, өрөвхийлөлт буюу их хурд нь 23 метр хүрч шороон шуурга шуурчээ. Мөн Ховд суманд 20, өрөвхийлөлт нь 26 метрт хүрч хүчтэй, шороон шуурга шуурч байна.
Үүнээс гадна Зэрэг, Мөст, Манхан, Чандмань, Цэцэг, Мөнххайрхан сумуудын нутгаар салхины хурд 5-8, өрөвхийлөлт их хурд 8-10 метрт хүрч салхиллаа. Иймээс иргэдийг сонор сэрэмжтэй байхыг Цаг уур, орчны шинжилгээний газраас анхааруулаад буй.
