Азийн хөгжлийн банкнаас “Нийгмийн үйлчилгээний хүртээмжийг сайжруулах зорилгоор бүртгэлийн системийг боловсронгуй болгох” төслийг Улсын бүртгэлийн ерөнхий газарт 2018 оноос үе шаттайгаар хэрэгжүүлж буй. Тэгвэл уг төслийн хэрэгжилтийн өнөөгийн байдал, үр дүнгийн талаар УБЕГ-аас мэдээлэл авлаа. Өнөөдрийн байдлаар уг төсөл хэрэгжилт 80 гаруй хувьтай байгаа аж. Бүр тодруулбал, улсын бүртгэлийн нэгдсэн сүлжээнд холбох ажил 2020 оны арванхоёрдугаар сард дуусах гэнэ. Энэ ажлын хүрээнд 330 сум, 171 хороог улсын бүртгэлийн нэгдсэн сүлжээнд бүрэн холбож дуусна гэдгийг УБЕГ-ын дарга Д.Дэлгэрсайхан хэлсэн.
