АНУ-д төвтэй, олон улсын “Mastercard” судалгааны байгууллагаас жил бүр аль улсын иргэд хамгийн их аялдгийг тандан, жагсаалт гаргадаг. Энэ жилийн хувьд уг жагсаалтыг америкчууд тэргүүлжээ. Удаах байрт Хятад, Германы иргэд бичигдсэн бол британи, франц, япон, канад, орос, тайвань, өмнөд солонгосчууд эхний 10-т оржээ. Америкчуудын аялах дуртай газ-
рын тэргүүнд Мексикийн Канкун, Канадын Торонто, Английн Лондон орсон бол хятадууд Тайландын Бангкок, БНСУ-ын Сөүл, Японы Токио хотыг илүүтэй сонгон аялдаг гэнэ. Германчууд Испанийн Пальма-де-Мальорка, Францын Парис, Ирландын Дублинд зорчих дуртай юм байна.
