Маргааш буюу 2019 оны нэгдүгээр сарын 23-ны өдөр Үндсэн хуулийн цэцийн Их суудлын хуралдаан болно. Тус хуралдаанаар Шүүхийн шийдвэр гүйцэтгэх тухай хуулийн зарим заалт Үндсэн хууль зөрчсөн эсэх асуудлыг хэлэлцэх аж. Тухайлбал, уг хуульд, төлбөрт гаргуулсан боловч худалдан борлогдоогүй эд хөрөнгийг төлбөр авагч төлбөрт тооцон авахаас татгалзсан тохиолдолд гүйцэтгэх баримт бичгийг төлбөр авагчид буцааж, түүнийг дахин гүйцэтгүүлэхээр ирүүлэхгүй байхаар заасан нь Үндсэн хууль зөрчсөн эсэхийг эцэслэн шийдвэрлэнэ.
