3 дугаар сарын 12-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 71 дахь өдөр бөгөөд он дуусахад 294 хоног үлдлээ.
- Цаг агаар өдөртөө 8 хэмийн дулаан бол шөнөдөө -3 градус хүйтэн байх нь ээ. Өдөртөө ялимгүй цас орох гэнэ.
- Билгийн тооллын 25, долоон улаан мэнгэтэй харагчин туулай өдөр. Өнөөдөр үсээ авахуулах буюу засуулбал нүд бүрэлзэн улцайх гэнэ. Энэ өдөр хонь, гахай жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2398.00 төгрөгтэй тэнцэж байгаа бол бусад валют болох рубль 42.60, юань 378.80, вон 2.21 төгрөг байна.
Өнөөдөр болох онцлох үйл явдлууд:
- СХД-ээс зохион байгуулж буй “Замын хөдөлгөөний аюулгүй байдлын төлөө хамтдаа” анхдугаар зөвлөгөөн 09.00 цагт Өргөө кино театрын хойно байрлах Royal house hotel-д болно.
- 11:00 цагт Монголын улаан загалмай нийгэмлэгийн төв байранд "Малчдад туслах хүмүүнлэгийн аян"-д цугларсан тусламжийн эд зүйлсийг танилцуулж, малчдад хуваарилан хүргүүлэхээр ачуулж, хамтарч ажилласан байгууллагуудад талархал илэрхийлнэ.
- 11.00 цагаас Түүхийн судалгааны зарим бүтээлийг Архивын ерөнхий газарт хүлээлгэн өгөх арга хэмжээ болно. Энэхүү түүхэн үйл явдалд ШУА-ийн удирдлага, Архивын Ерөнхий газрын удирдлагууд оролцоно.
- Эрүүл мэндийн сайд Д.Сарангэрэл, Сүхбаатар, Чингэлтэй дүүргийн нэгдсэн эмнэлгийн дархлаажуулалтын тасгуудад ажиллаж, уушигны хатгалгааны эсрэг вакцинд хүүхдүүд хэр хамрагдаж байгаа болон явцын мэдээллийг авахаар газар дээр нь ажиллана.
- Сүхбаатар дүүрэгт үйл ажиллагаа явуулж буй төрийн болон төрийн бус өмчийн их, дээд сургуулийн оюутан залуусын дунд “Архи, мансуурлын хор хөнөөлийн эсрэг хамтдаа” сэдэвт дэвжээ тэмцээнийг 10.00 цагт Хүүхдийн урлан бүтээх төвд зохион байгуулна.
Энэ өдөр дэлхийн түүхэнд:
- 1550 онд одоогийн Чилийн нутагт Испанийн 700 гаруй цэрэг Педро де Валдивиагийн удирдлага дор Мапуче омгийн 60,000 цэрэгтэй цуст тулаанаа эхлүүлэв.
- 1622 онд Есүсийн нийгэмлэгийг үндэслэгчид болох Лоёола Игнатиус, Френцис Завьер нарыг Ромын Католик сүмээс гэгээнтэн болгожээ.
- 1881 онд дэлхийн хөлбөмбөгийн спортын түүхэнд анх удаа хар арьст тоглогч талбайд гарав. Шотландын шигшээ багийн Эндрью Уатсон анхны тоглолтод оролцсон байна.
- 1894 онд Кока-Кола компани хийжүүлсэн ундааг анх удаа шилэн лонхонд савлан худалдаалж эхэлсэн байна.
- 1912 онд АНУ-д Охидын скаут байгуулагдав.
- 1930 онд Энэтхэгт Их Британи улс давсны худалдаан дээр ноёрхож байгааг эсэргүүцэн тэмцэгч Махатма Ганди тэнгисийн эрэг дагуу 200 миль газар "Давсны жагсаал"-ыг зохион байгуулав.
- 1933 онд Их хямрал: АНУ-ын ерөнхийлөгч Франклин Д.Рүүзвельт ерөнхийлөгчийн хувиар анхны мэдэгдлээ хийжээ. Тэрбээр эдийн засгийн хүнд хэцүү цаг үед бүсээ чангалж, сэтгэлийн хатаар даван туулахыг уриалсан юм.
- 1971 онд Туркийн ерөнхий сайд Сулейман Демирел засгийн газраа бүрэн бүрэлдэхүүнээр нь огцруулах баримт бичигт гарын үсэг зурав.
- 1994 онд Английн төв сүм анх удаагаа эмэгтэй санваартнуудыг авч эхлэв.
- 2011 онд Хүчтэй газар хөдлөлт болон цүнамигаас нэг өдрийн дараа Фүкүшима Дайичи цөмийн цахилгаан станцын ойр хавьд цацраг идэвхит бодис алдагдаж эхлэв.
