Өнөөдрийн тухай таны мэдэх ёстой 19 зүйл: "Эсэргүүцэж байна" жагсаал Сүхбаатарын талбайд болно

3 дугаар сарын 9-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 68 дахь өдөр бөгөөд он дуусахад 297 хоног үлдлээ.
2. Цаг агаар өдөртөө 1 хэмийн дулаан бол шөнөдөө -11 градус хүйтэн байх нь ээ. 
3. Билгийн тооллын 23, нэг цагаан мэнгэтэй цагаан хулгана өдөр. Өнөөдөр үсээ авахуулах буюу засуулбал эд эдлэл, идээ ундаа элбэг олдох гэнэ. Энэ өдөр луу, бич жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2396.00 төгрөгтэй тэнцэж байгаа бол бусад валют болох рубль 42.80, юань 379.80, вон 2.21 төгрөг байна.

Өнөөдөр болох онцлох үйл явдлууд: 

1. 19.21 цагт сар тал болно.
2. Монгол Улс, Канад Улсын Зэвсэгт хүчний хамтарсан “Иргэн-цэргийн харилцааны офицерын олон улсын дамжаа”-ны хаалтын ажиллагаа 13.00 цагт “Бага баян Энхийн төлөө цогцолбор”-т болно.
3. "Миний ээж хөөрхөн" тоглолт UB palace-т тоглогдоно.
4. СТӨ-нд 10.00 цагаас Гэр хорооллын иргэдийн 3-р чуулган болно.
5. Гэр хорооллын иргэдийн "Эсэргүүцэж байна" жагсаал Сүхбаатарын талбайд 11.00 цагаас болно.

Энэ өдөр дэлхийн түүхэнд:  

1. 1276 онд Германы Аугсбург хот өөрийгөө хаант хот улс хэмээн зарлажээ.
2. 1566 онд Шотландын хатан хаан Меригийн хувийн нарийн бичиг Девид Риззио Эдинбургийн Холирүүдхаус ордны ойролцоо хүний гарт амиа алдав.
3. 1796 онд Францын хаан Наполеон Бонапарт анхны эхнэр болох Жозефин де Бүхернетэй гэрлэжээ.
4. 1842 онд алдарт хөгжмийн зохиолч Жузеппе Вердигийн гуравдугаар дуурь болох "Набүкко" Милан хотноо анх удаа тайзнаа тавигджээ. Үүнээс хойш түүнийг оршин буй цагийнхаа Италийн хамгийн хүндтэй хөгжмийн зохиолч гэх болсон юм.
5. 1842 онд Америкийн Калифорни мужийн Ранчо орчимд анх удаа алт илрэв. Энэ явдлаас зургаан жилийн дараа Калифорнийн алтны халуурал эхэлсэн билээ.
6. 1908 онд Италийн алдарт дөрвөн хөлбөмбөгийн клубын нэг Интер Милан клуб байгуулагдав.
7. 1959 онд АНУ-ын Нью-Йорк хотод болсон Олон улсын тоглоомын үзэсгэлэн яармагын үеэр "Барби" хүүхэлдэйг олон нийтэд танилцуулжээ.
8. 1961 онд Зөвлөлтийн сансар судлалын товчоо "Спутник 9" сансрын хөлөгч Иван Иванович гэж нэрлэсэн хүүхэлдэйг суулган сансарт хөөргөжээ.
9. 1978 онд Индонезийн Жакартаг, Баруун Ява аралтай холбосон "Жагоравигийн хурдны зам"-ыг нээв. Нээлтийн ёслолд ерөнхийлөгч Сухарто оролцжээ.
10. 2011 онд Америкийн сансрын Шаттл хөтөлбөрийн "Дисковери" сансрын хөлөг 39 нислэг үйлдсэний дараа сүүлийн удаа газарджээ.