Өнөөдрийн тухай таны мэдэх ёстой 18 зүйл: “Нэг тэрбумаараа тэмцье” эсэргүүцлийн арга хэмжээ болно

3 дугаар сарын 8-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 67 дахь өдөр бөгөөд он дуусахад 298 хоног үлдлээ.
2. Цаг агаар өдөртөө 5 хэмийн дулаан бол шөнөдөө -14 градус хүйтэн байх нь ээ. 
3. Билгийн тооллын 22, хоёр хар мэнгэтэй шарагчин гахай өдөр. Өнөөдөр үсээ авахуулах буюу засуулбал идээ ундаа элбэг олдох гэнэ. Энэ өдөр туулай жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2396.00 төгрөгтэй тэнцэж байгаа бол бусад валют болох рубль 42.80, юань 379.80, вон 2.21 төгрөг байна.

Өнөөдөр болох онцлох үйл явдлууд: 

1. Энхтайваны гүүрэн дээр 12.00 цагт "Хүчирхэг эмэгтэйчүүд" тайван жагсаал болно.
2. “Нэг тэрбумаараа тэмцье 2018" эмэгтэйчүүдийн алхалт 12.30 цагт Сүхбаатарын талбайд болно.
3. Монгол Улсын Ерөнхийлөгчийн ивээл дор уламжлал болгон зохион байгуулдаг "Алдарт эхийн одонтой 1000 ээжийн чуулган" уулзалтын хүндтэтгэийн арга хэмжээ Төрийн ордны их танхимд болно.

Энэ өдөр дэлхийн түүхэнд:  

1. Өнөөдөр Олон улсын эмэгтэйчүүдийн эрхийг хамгаалах өдөр тохиож байна.
2. 1010 онд Перс хэлний нэрт соён гэгээрүүлэгч Фердовси алдарт домгийн найраглал болох "Шахнаме" найраглалаа бичиж дуусгажээ.
3. 1576 онд Испанийн нэрт аялагч Диего Гарсиа де Паласио эртний Маяачуудын соёл иргэншлийн хотыг Копан хотоос илрүүлэв.
4. 1618 онд нэрт одон оронч Йоханнес Кеплер гараг эрхэсийн хөдөлгөөний гуравдугаар хуулиа боловсруулжээ.
5. 1775 онд алдарт философич Томас Пейн "Америк дахь Африкын боолчлол" бүтээлээ хэвлүүлж, Хойд Америк дахь боолчлолын асуудлыг хөндөв.
6. 1817 онд Нью-Йоркын хөрөнгийн бирж байгуулагджээ.
7. 1917 онд Хаант Оросын Санкт Петербург хотод олон улсын эмэгтэйчүүдийн эрхийг хамгаалах өдөр олон нийтийг хамарсан жагсаал болов. Ингэснээр хоёрдугаар сарын хувьсгал эхэлжээ.
8. 1924 онд АНУ-ын Юта мужийн Кастл Гейтын уурхай нурж 172 уурхайчин амиа алдав.
9. 1979 онд Электрон барааны "Филипс" компани компакт дискийг бүтээж, худалдаанд гаргажээ.
10. 1983 онд АНУ-ын ерөнхийлөгч Рональд Рейган хэлсэн үгэндээ ЗХУ-ыг "Чөтгөрийн эзэнт гүрэн" гэж цоллов.
11. 2014 онд Малайзын Куала-Лумпураас Хятадын Бээжинг зорьж, 239 хүн тээн шөнөөр хөдөлсөн Боинг-777 загварын нисэх онгоц Хятадын өмнөд тэнгис дээгүүр нисч яваад ор сураггүй алга болов.