3 дугаар сарын 6-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 65 дахь өдөр бөгөөд он дуусахад 300 хоног үлдлээ.
- Цаг агаар өдөртөө -7 хэмийн хүйтэн бол шөнөдөө -15 градус хүйтэн байх нь ээ. Өдөртөө бага зэргийн цас орох гэнэ.
- Билгийн тооллын 20, дөрвөн ногоон мэнгэтэй улаагчин тахиа өдөр. Өнөөдөр үсээ авахуулах буюу засуулбал өлсөж ундаасах гэнэ. Энэ өдөр үхэр, могой жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2396.00 төгрөгтэй тэнцэж байгаа бол бусад валют болох рубль 42.70, юань 378.60, вон 2.19 төгрөг байна.
Өнөөдөр болох онцлох үйл явдлууд:
- 15.00 цагт Засгийн газрын тохируулагч агентлаг Үндэсний хөгжлийн газрын 3 давхрын хурлын танхимд “Хөгжлийн загвар-Төв аймаг”-ийн бодлого боловсруулах хамтарсан багйн уулзалт зөвлөгөөнийг зохион байгуулна.
- Ардын хувьсгалаас хойш Монголд анхны лхаарамба цолыг Д.Жавзандорж лам амжилттай хамгаалсан талаар Сумади Гирди төвөөс 11.30 цагаас Зууны мэдээ сонины Үндэсний мэдээллийн төвд хэвлэлийн хурал хийж мэдээлэл өгнө.
- 2017 онд ЮНЕСКО-д бүртгэгдсэн Дагуурын ландшафт, Данжуурын гэрэлт хөшөө, Уул овоо тахих Монгол зан үйл хэмээх 3 өвийн батламж гардуулах ёслол 10.00 цагт Гадаад харилцааны яамны “Номин” танхимд болно.
- 6 настай хүүхдүүдийг сургуульд дасан зохицож, амжилттай суралцахад туслах шилдэг арга барилуудыг түгээх уулзалт 10.00-13.00 цагт Крокус Эвент Холл-д болно.
- 14.00 цагаас ШУА-иас "Анагаах ухаан, байгалийн ухааны уялдаа холбоо" сэдвээр хэлэлцүүлэг зохион байгуулна.
Энэ өдөр дэлхийн түүхэнд:
- 1665 онд Эзэн хааны нийгэмлэгийн анхны нарийн бичгийн дарга Хенри Олденбург "Эзэн хааны нийгэмлэгийн философийн өөрчлөлт" бүтээлээ хэвлүүлжээ.
- 1820 онд Миссури муж АНУ-ын ерөнхийлөгч Жеймс Монротой харилцан ойлголцлын санамж бичиг байгуулснаар бүс нутгийнхаа хэмжээнд боолын худалдааг хориглосон байна.
- 1834 онд Канадын Торонто хотыг байгуулж эхэлжээ.
- 1869 онд алдарт эрдэмтэн Дмитрий Менделеев Оросын химийн хүрээлэнд үелэх системээ анх удаа танилцуулжээ.
- 1882 онд Сербийн хаант улс дахин байгуулагджээ.
- 1899 онд Баейр эмийн үйлдвэр "Аспирин" эмийг худалдаалах эрхийг авав.
- 1902 онд Испанийн эзэн хааны "Реал Мадрид" хөлбөмбөгийн клуб байгуулагджээ.
- 1957 онд Гана улс Британийн дарангуйллаас мултарсан Африкийн анхны улс болов.
- 1965 онд Өмнөд Австрали мужийн амбан захирагчийн суудалд 27 жил суусан Том Плейфорд албан тушаалаа өгчээ.
- 1967 онд ЗХУ-ын удирдагч агсан И.Сталиний охин Светлана Алилуева АНУ руу дүрвэжээ.
- 1975 онд Америкийн иргэн Запрюдерын гэрээсээ бичсэн сонирхогчийн бичлэг анх удаа олон нийтэд ил болжээ. Тэрбээр АНУ-ын ерөнхийлөгч Жон Ф.Кеннедигийн халдлагыг дүрс бичлэгийн камерт бичин үлдээсэн юм.
