Өнөөдрийн тухай таны мэдэх ёстой 19 зүйл: АН, МАН-ын нэрээр халхавчлан ард иргэдийг хууран мэхлэх арга замаар төрийн эрх мэдэлд гарч ирсэн эрх мэдэлтнүүдийг шалгуулна

3 дугаар сарын 2-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 64 дахь өдөр бөгөөд он дуусахад 301 хоног үлдлээ.
2. Цаг агаар өдөртөө -10 хэмийн хүйтэн бол шөнөдөө -22 градус хүйтэн байх нь ээ.
3. Билгийн тооллын 19, таван шар мэнгэтэй улаан бич өдөр. Өнөөдөр үсээ авахуулах буюу засуулбал сайн нөхөртэй нөхөрлөх гэнэ. Энэ өдөр хулгана, луу жилтнээ аливаа үйлийг хийхэд эерэг сайн, үхэр, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2396.00 төгрөгтэй тэнцэж байгаа бол бусад валют болох рубль 43.00, юань 378.50, вон 2.21 төгрөг байна.

Өнөөдөр болох онцлох үйл явдлууд: 

1. ХНХЯ, ГБХЗХГ-аас санаачлан "Ирээдүйн эзэд" мэргэжил сонголтын аяныг 2 дахь жилдээ зохион байгуулж байна. Аяны нээлт 13.00 цагт Отгонтэнгэр их сургуулийн спорт зааланд болно. 
2. Холидэй Инн зочид буудлын 19 давхрын хурлын танхимд "Эмэгтэйчүүдийн эрхийн мэдээллийн яармаг-2018" 09.00-17.00 цагийн хооронд болно.
3. "Зууны мэдээ" сонины Үндэсний мэдээллийн төвд 11630 цагаас "Гэр хорооллыг хөгжүүлэх хөдөлгөөн"-өөс Гэр хорооллын иргэдийн гуравдугаар чуулга уулзалт болон 2018.3.9-нд "Эсэргүүцэж байна" цуглаан зохион байгуулах талаар мэдээлэл хийнэ.
4. 14.00 цагт MNBC телевизийн байранд АН, МАН-ын нэрээр халхавчлан ард иргэдийг хууран мэхлэх арга замаар төрийн эрх мэдэлд гарч ирсэн эрх мэдэлтнүүдийг шалгуулахаар хуулийн байгууллагад өгөх талаар хэвлэлийн бага хурал зарлалаа.

Энэ өдөр дэлхийн түүхэнд:  

1. 1046 онд алдарт зохиолч, түүхч Насир Хусрав Ойрхи дорнодоор хийсэн долоон жилийн аялалаа эхлүүлжээ. Энэ аялалынхаа дараа тэрээр "Сафарнама" судрыг бүтээсэн юм.
2. 1496 онд алдарт аялагч, зохиолч, эрдэмтэн Жон Кабо үл мэдэгдэх газар орон нээж, улмаар тэр газраа хүүгийнхээ хамт захирах хүсэлтийг Английн хаан VII Хенрид илгээжээ.
3. 1616 онд суут одон оронч Николай Коперник "Тайван ертөнцийн өөрчлөлт" номыг хориотой номын жагсаалтад оруулав. Үүнээс 73 жилийн дараа түүний номыг олон нийтэд хэвлэн тараажээ.
4. 1836 онд зохион бүтээгч Самуэль Кольт 34 калибрийн цэнэглэдэг гар буундаа зохиогчийн эрх авчээ.
5. 1868 онд Италийн алдарт "Ла Скала" дуурийн театрт хөгжмийн зохиолч Арриго Бойтогын "Мефистофль" дуурь анхлан тавигджээ.
6. 1933 онд Их хямрал: АНУ-ын ерөнхийлөгч Франклин Д.Рүүзвельт санхүүгийн хүндрэлтэй холбоотойгоор бүх банкны гүйлгээг тодорхойгүй хугацаагаар хаав.
7. 1946 онд Их Британийн ерөнхий сайд Уинстон Черчилль АНУ-д айлчлах үеэрээ Миссури мужийн Уэстминстер коллежид илтгэл тавьжээ. Илтгэлдээ тэрээр "Төмөр хөшиг" гэх үгийг анхлан ашигласан юм.
8. 1963 онд Америкийн кантри урсгалын нэр хүнд бүхий одод болох Петци Клайн, Хокшоу Хоукинс, Каубой Копас нар Теннесий мужийн Камден хотод онгоцны ослоор өөд болжээ.
9. 1981 онд Британийн "Синклейр" судалгааны хүрээлэнгийн зохион бүтээсэн гэрт байрлуулах боломжтой анхны компьютер болох ZX81 загварыг худалдаанд гаргаж дэлхий даяар 1.5 сая хувь борлогдсон байна.
10. 1982 онд Зөвлөлтийн "Венера 14" хөлөг Сугар гараг дээр газарджээ.
11. 1984 онд Британийн зургаан мянган уурхайчин ажил хаялт зарлав.