3 дугаар сарын 2-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 61 дахь өдөр бөгөөд он дуусахад 304 хоног үлдлээ.
- Цаг агаар өдөртөө 0 хэмийн дулаан бол шөнөдөө -15 градус хүйтэн байх нь ээ.
- Билгийн тооллын 16, найман цагаан мэнгэтэй харагчин могой өдөр. Өнөөдөр үсээ авахуулах буюу засуулбал өвчин ирэх гэнэ. Энэ өдөр үхэр, тахиа жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2396.00 төгрөгтэй тэнцэж байгаа бол бусад валют болох рубль 43.00, юань 378.90, вон 2.20 төгрөг байна.
Өнөөдөр болох онцлох үйл явдлууд:
- "Зууны мэдээ" сонины Үндэсний мэдээллийн төвд 11.00 цагаас "Зөрчлийн хуулийн торгох шийтгэлээс өршөөх тухай хууль"-ийн төсөл боловсруулж өргөн барих талаар залуу хуульчид мэдээлэл хийнэ.
- 10.00 цагт ЦССҮТ-ийн төв байранд "Сар бүрийн 3-Цусаа бэлэглэх өдөр" болно.
- “Монгол Улсад банкны ажилтныг мэргэшүүлэх онол, практик хослуулсан сургалт болон Дэлхийн хуримтлалын өдрийг нэвтрүүлэх төсөл”-ийг 2017 оны 02 сараас хэрэгжүүлж эхэлсэн бөгөөд төслийн хаалтын үйл ажиллагаа, сертификат гардуулах ёслолын ажиллагаа 10.00 цагт Монголбанкны 5 давхрын хурлын танхимд болно.
- ОХУ-ын Санкт Петебург хотын Репиний Уран Зургийн Академид хэсэг хугацаанд багшилж байгаад саяхнаас эх орондоо буцан ирж суурьшин, бүтээлээ туурвиж буй авъяаслаг уран бүтээлч Б.Отгонтүвдэнгийн олон улсын эмэгтэйчүүдийн баярт зориулсан “Март 8” үзэсгэлэнгийн нээлт Art Space 976-д болно.
- 10.00-16.30 цагийн хооронд зөвхөн Монгол Улсын иргэдэд музей үзэх тасалбарын үнийг зуун хувь чөлөөлнө.
Энэ өдөр дэлхийн түүхэнд:
- 1498 онд алдарт аялагч Васко де Гама Мозамбикийн аралд хүрсэн анхны хүн болжээ.
- 1561 онд Испанийн эзлэн түрэмгийлэгч Педро дел Кастийо Аргентины Мендоза хотын үндэс суурийг тавив.
- 1903 онд зөвхөн эмэгтэйчүүдэд үйлчлэх зорилготой "Марта Вашингтон" зочид буудал үүдээ нээжээ.
- 1882 онд Уиндсорын шилтгээнд Их Британийн хатан хаан Викториагийн амь насанд халдахыг завдав. Уг халдлагыг Родерик МакЛийн гэгч үйлджээ.
- 1919 онд Коминтерний анхны хуралдааны шийдвэрээр ЗХУ-ын нийслэлийг Москва хотноо болов.
- 1949 онд Америкийн нисэх хүчний ахмад Жеймс Галлагер B-50 өндөр хурдны онгоцоор 94 цаг 1 минутын туршид тасралтгүй нислэг үйлдсэн анхны хүн болжээ.
- 1956 онд Морокко улс Францаас тусгаар тогтножээ.
- 1983 онд АНУ-ын зах зээлд "компакт диск" буюу CD-г анх удаа худалдаалж эхлэв. Өмнө нь зөвхөн Японы зах зээлд худалдагдаж байжээ.
- 1990 онд Африкын үндэсний конгрессын дэд даргаар Нелсон Мандела сонгогдов.
- 1998 онд Бархасбадь гарагийн дагуул Европаг судлах зорилготой Галилео хөлөг тус дагуулд усархаг өтгөн бодис, мөсний ул мөрийг илрүүлжээ.
