Өнөөдрийн тухай таны мэдэх ёстой 21 зүйл: Ам.долларын ханш буурсаар байна

2 дугаар сарын 28-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 59 дахь өдөр бөгөөд он дуусахад 306 хоног үлдлээ.
2. Цаг агаар өдөртөө -13 хэмийн хүйтэн бол шөнөдөө -18 градус хүйтэн байх нь ээ. Шөнөдөө бага зэргийн цас орох гэнэ.
3. Билгийн тооллын 13, нэг цагаан мэнгэтэй цагаагчин туулай өдөр. Өнөөдөр үсээ авахуулах буюу засуулбал жаргал ирэх гэнэ. Энэ өдөр хонь, гахай жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2395.00 төгрөгтэй тэнцэж байгаа бол бусад валют болох рубль 43.40, юань 380.50, вон 2.21 төгрөг байна.

Өнөөдөр болох онцлох үйл явдлууд: 

1. 14.00 цагт Хөдөлмөр, нийгмийн хамгааллын хурлын танхимд эрэгтэй, эмэгтэй хүмүүсийн нийгэмд болон гэр бүлд хүлээх үүрэг, эрхийн талаарх иргэдийн ойлголт, мэдээлэл хүлээн авах болон түгээх зан үйлийг тодорхойлох зорилготой судалгааны дүнг Хэвлэлийн хүрээлэнгээс танилцуулна.
2. Нийслэлийн залуучууд 50 хүртэлх хувийн хөнгөлөлттэй үнээр фитнесс, бялдаржуулах клубүүдэд үйлчлүүлэх боломжтой болсон талаар Хангарди ордны мэдээллийн төвд 10.30 цагаас Нийслэлийн Залуучуудын хөгжлийн газар, “Монголын бодибилдинг, Фитнесийн холбооноос хамтран хэвлэлийн бага хурал хийнэ. 
3. Bloomberg TV Mongolia, НЗДТГ-тай хамтран "Утаагүй Улаанбаатар 2" форумыг 09.30 цагаас Блю Скай зочид буудлын III давхар Diamond Hall танхимд зохион байгуулна.
4. ШУА харьяа хүрээлэнгүүдийнхээ залуу судлаач нарт олон улсын хамтарсан судалгааны төслийг хэрхэн боловсруулах арга зүйн сургалтыг 09.00-17.00 цагийн хооронд ШУА-ийн 3 давхарт зохион байгуулна.
5. MN-Мэдээллийн төвд 11.00 цагаас “TV2” телевизийнхэн Соёлын гавьяат зүтгэлтэн, зохиолч, яруу найрагч Ш.Гүрбазартай хамтран дэлхийд тархсан Монголчуудаа эрэн сурвалжлах мөн хүний амьдралын ээдрээтэй хувь заяа, хүн фиолсофийн тухай “Хөх тойрог” дэлхийн төсөл эхлүүлж буй талаар хэвлэлийн бага хурал зарлалаа. 
6. MN-Мэдээллийн төвд 11.30 цагаас томоохон улстөрчдийг АТГ-т шалгуулах асуудлаар төрийн бус байгууллагууд хамтран мэдээлэл хийнэ.

Энэ өдөр дэлхийн түүхэнд:  

1. МЭӨ 202 онд Хятадын эзэн хаан Лиу Банг суудлаасаа бууж, улмаар дөрвөн зууны турш Хятадыг захирсан Хан гүрэн байгуулагджээ.
2. 1700 онд Шведийн засгийн газар Шведийн нэгдсэн он тоололд шилжих шийд гаргав.
3. 1827 онд Америк улсад худалдааны төмөр замын анхны сүлжээ байгуулагджээ. Анхны арилжааны төмөр зам Балтимор-Охайогийн чиглэлд тавигдсан гэдэг.
4. 1897 онд Мадагаскар улсын сүүлчийн хатан хаан III Ранавалонагийн хаанчлал эхлэв. Удалгүй Францчууд тус улсыг булаан эзэлсэн юм.
5. 1935 онд Америкийн эрдэмтэн Уоллос Каротерс "нийлэг" материалыг нээжээ.
6. 1940 онд сагсанбөмбөгийн тоглолтыг анх удаагаа телевизээр дамжуулав. Тухайн үед учраа таарсан Фордхемийн их сургууль, Питтсбургийн их сургуулийн хооронд болсон тоглолтыг ийнхүү телевизээр нэвтрүүлжээ.
7. 1953 онд эрдэмтэн Жеймс Ватсон, Френцис Кирк нар ДНК-гийн бүтцийг анх удаагаа нээн илрүүлэв.
8. 1954 онд телевизийг өнгөтөөр нэвтрүүлэх анхны технологиуд худалдаанд гарч, үүнийг NTSC худалдан авчээ.
9. 1986 онд Шведийн 26 дахь ерөнхий сайд Олоф Палме Стокхольм хотод халдлагад өртөн амь насаа алджээ.
10. 1991 онд Персийн булангийн анхдугаар дайн өндөрлөв.
11. 1998 онд дэлхийд анх удаагаа нисгэгчгүй онгоцыг хөөргөжээ.