Өнөөдрийн тухай таны мэдэх ёстой 22 зүйл: Тогтвортой санхүүжилтийн хэрэгжилтийн тайланг танилцуулна

2 дугаар сарын 27-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 58 дахь өдөр бөгөөд он дуусахад 307 хоног үлдлээ.
2. Цаг агаар өдөртөө -5 хэмийн хүйтэн бол шөнөдөө -15 градус хүйтэн байх нь ээ. Бага зэргийн цас орох гэнэ.
3. Билгийн тооллын 12, хоёр хар мэнгэтэй цагаан бар өдөр. Өнөөдөр үсээ авахуулах буюу засуулбал өвчин эмгэг ирэх гэнэ. Энэ өдөр морь, нохой жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2399.00 төгрөгтэй тэнцэж байгаа бол бусад валют болох рубль 43.30, юань 380.00, вон 2.22 төгрөг байна.

Өнөөдөр болох онцлох үйл явдлууд: 

1. Азийн хөгжлийн банк, Оюуны өмч, улсын бүртгэлийн ерөнхий газартай хамтран хэрэгжүүлж байгаа “Нийгмийн үйлчилгээний түгээлтийг сайжруулах зорилгоор бүртгэлийн системийг боловсронгуй болгох” төслийн нээлтийн үйл ажиллагаа “Blue sky” зочид буудлын 3 давхарт 09.30 цагаас эхэлнэ. 
2. Багш мэргэжлийн хамгийн өндөр зэрэг болох "зөвлөх" багш зэргийг БСШУС-ын сайдын тушаалаар энэ жил 72 хүнд олгохоор боллоо. Зөвлөх зэргийн үнэмлэхийг гардуулах болон арга зүй, туршлагаа хуваалцах, түгээн дэлгэрүүлэх ажлын уулзалт Багшийн хөгжлийн ордонд болно.
3. 14.00 цагт Шангрилла зочид буудлын хурлын танхимд БСШУСЯ гадаад түнш байгууллагуудтай хийх зөвлөлдөх уулзалт болно.
4. 15.00 цагт Засгийн газрын 11 дүгээр байранд Хүний эрх хамгаалагч, "Бүх нийт боловсролын төлөө!" Иргэний нийгмийн үндэсний эвслийн дэд зохицуулагч Бадамсамбуугийн Болорсайхан "Хүний эрхийг хамгаалах олон улсын механизм дахь иргэний нийгмийн оролцоо" сэдвээр лекц уншина.
5. 11.00 цагт Дэлхийн Банкны байранд Олон улсын тогтвортой санхүүжилтийн холбооноос гаргасан Тогтвортой санхүүжилтийн хэрэгжилтийн тайланг хэвлэл мэдээллийн байгууллагуудад танилцуулна. 
6. 14.00 цагт Хүүхдийн урлан бүтээх төвийн "Орд" галерейд С.Прокофьевийн “Петя ба Чоно” бүтээлийг хүүхдэд зориулсан тайлбартайгаар хүргэнэ.
7. 18.00 цагаас МУЗ-ийн "Улаан гэр" галерейд /Шангри-Ла худалдааны төвийн зүүн талд байрлах Олимпик резиденсийн 1 давхарт/ Уран бүтээлч Ц.Ягаанцэцэгийн "Гэгээ-5" үзэсгэлэнгийн нээлт болно.

Энэ өдөр дэлхийн түүхэнд:  

1. 380 онд Ромын эзэнт гүрний хаан I Теодосий хамтран төр барьж байсан Гратиан болон II Валентиниан нар Ром даяар Христийн шашин шүтэхийг зөвшөөрчээ.
2. 1617 онд Орос, Шведчүүд Стольбовогын гэрээг байгуулснаар дайн эцэслэж, Балтын тэнгисээс оросууд цэргээ татжээ.
3. 1700 онд Шинэ Британи арлыг илрүүлжээ.
4. 1782 онд Америкийн хувьсгал: Их Британийн ард нийтийн танхим Америкийн эсрэг дайн дэгдээх шийд гаргав.
5. 1844 онд Бүгд найрамдах Доминикан улс Гайтигаас тусгаар тогтнов.
6. 1861 онд Польш улсад Хаант Оросын дарангуйллыг эсэргүүцсэн бослого болов. Уг бослогыг Хаант Оросын цэргүүд хүч хэрэглэн даржээ. Үүний уршгаар 5 жагсагч амь насаа алдсан байна.
7. 1870 онд Японы улсын одоогийн төрийн далбаа Японы худалдааны хөлөг онгоц дээр анх удаагаа манджээ.
8. 1940 онд Алдарт химич Мартин Камен, Сем Рюбен нар "карбон-14" бодисыг илрүүлжээ.
9. 1951 онд АНУ-ын үндсэн хуулийн 22 дахь өөрчлөлтөөр тус улсын ерөнхийлөгчийг зөвхөн нэг л удаа улиран сонгогдох эрхтэй байхаар хуульчилжээ.
10. 1971 онд Нидерландын эмч нарын холбоо ээлжит хуралдаанаараа үр хөндөлтийг чөлөөтэй хийдэг нэгдсэн эмнэлэг байгуулахаар шийдвэрлэжээ.
11. 1991 онд Персийн булангийн дайн: АНУ-ын ерөнхийлөгч "эцэг" Жорж Буш Кувейтийг чөлөөлсөн гэж мэдэгджээ.