Өнөөдрийн тухай таны мэдэх ёстой 19 зүйл: 26 настай хүүгээ бусдын гарт алдсан эх шүүх хурлын талаар мэдээлэл хийнэ

2 дугаар сарын 26-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 57 дахь өдөр бөгөөд он дуусахад 308 хоног үлдлээ.
2. Цаг агаар өдөртөө -8 хэмийн хүйтэн бол шөнөдөө -19 градус хүйтэн байх нь ээ. 
3. Билгийн тооллын 11, гурван хөх мэнгэтэй шарагчин үхэр өдөр. Өнөөдөр үсээ авахуулах буюу засуулбал эрхтэн хурц болох гэнэ. Энэ өдөр тахиа, могой жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2401.00 төгрөгтэй тэнцэж байгаа бол бусад валют болох рубль 43.10, юань 379.00, вон 2.21 төгрөг байна.

Өнөөдөр болох онцлох үйл явдлууд: 

1. "Зууны мэдээ" сонины Үндэсний мэдээллийн төвд 12.00 цагаас 26 настай хүүгээ бусдын гарт алдсан эх шүүх хурлын талаар мэдээлэл хийнэ.
2. СЗХ-ны 211 тоот танхимд 11.00 цагт банкнаас бусад санхүүгийн салбаруудын 2017 оны жилийн эцсийн тайлангийн талаар мэдээлнэ.
3. "Би эндээс явахгүй" уянгын жүжгийн хэвлэлийн бага хурал 12.00 цагт Драмын театрт болно.

Энэ өдөр дэлхийн түүхэнд:  

1. 364 онд I Валентиниан өөрийгөө хаан хэмээн зарлав.
2. 1616 онд Алдарт одон оронч Галилео Галилейн дэлхий нарыг тойрдог тухайн үзлийг олон нийтэд заахыг Ромын католик сүмээс албан ёсоор хориглов.
3. 1815 онд Наполеон Бонапарт Элба арлаас оргожээ.
4. 1876 онд Япон-Солонгосын хооронд байгуулсан гэрээний дагуу Япончууд тус улсад тусгай эрх дархтай болсон бөгөөд Япончууд гурван боомт нээж, худалдааг хянахаар санаархаж эхлэв.
5. 1909 онд Дэлхийн хамгийн анхны бүрэн хэмжээний өнгөт кино Лондон хотын "Пелас" ордонд үзэгчдийн хүртээл болжээ.
6. 1914 онд Алдарт "Титаник" хөлгийн өмнө бүтээгдсэн том хэмжээний усан онгоц болох "Британник" хөлөг үйлдвэрээс гарчээ.
7. 1919 онд АНУ-ын ерөнхийлөгч Вүүдроу Уильсон "Их хавцлын үндэсний дархан газрыг байгуулах тогтоолд гарын үсэг зурав.
8. 1935 онд Адольф Гитлер Версалийн гэрээнээс ухарч, аугаа үндэстнийг байгуулна гэдгээ зарлан тунхаглажээ.
9. 1936 онд Японы армийн залуу офицерууд нэгдэж төрийн эргэлт хийхээр завдав.
10. 1952 онд Канадын ерөнхийлөн захирагчийн суудалд Винсент Масси сууснаар тус улсад төрсөн анхны ерөнхийлөн захирагч болжээ.
11. 1993 онд Дэлхийн худалдааны төвийн "Хойд Цамхаг"-ын зогсоолд тавьсан машинд бөмбөг дэлбэрч зургаан хүн амиа алдан, 1000 гаруй хүн их, бага хэмжээгээр шархдав.
12. 2013 онд Египетийн Луксор хотод агаарын бөмбөлөг хоорондоо мөргөлдөж 19 хүн амиа алджээ.