БНСУ-ын Ерөнхийлөгч Юн Сок Ёлыг огцруулах асуудлаарх шүүх хурал энэ сарын 4-нд болохтой холбогдуулан тус улс дахь Монголын ЭСЯ-наас монголчуудад сэрэмжлүүлэг хүргэлээ. Өмнөд Солонгосын Үндсэн хуулийн цэцээс мэдээлснээр Төрийн тэргүүнийг огцруулах, эсэхийг шийдэх шүүх хурлыг маргааш 11.00 цагаас эхлэн телевизээр шууд дамжуулах бөгөөд олон нийтийг газар дээр нь ажиглаг¬чаар оролцуулах гэнэ. Энэ үеэр томоохон хот, суурин газруудад нийтийг хамарсан жагсаал, цуглаан болж, үймээн самуун, эмх замбараагүй байдал үүсэх өндөр магадлалтай гэж үзэж байна.
Иймд Сөүл хотын төв хэсэг, ялангуяа Шичон болон Юнсан дүүрэгт зорчихгүй байх, шаардлагатай тохиолдолд аюулгүй байдлаа хангаж, сонор сэрэмжтэй явахыг Монголын ЭСЯ-наас анхааруулав. Шүүх хурлын үеэр цэрэг, цагдаа, онцгой байдлын 30 гаруй мянган албан хаагч Солонгосын нийслэлийн төв цэгүүдэд хамгаалалтад гарч, олон нийтийн аюулгүй байдлыг хангах нь. Ташрамд дурдахад, одоогоор БНСУ-д манай улсын 37 664 иргэн оршин сууж буйгаас 30 хувь буюу 19 380 нь Сөүл хо¬тод ажиллаж, амьдарч байна.
Н.Мишээл
