1010 цэцэрлэгээс 539 нь номын сантай болжээ
Өнгөрсөн хичээлийн жилд 1010 цэцэрлэгээс 539 нь хүүхдийн номын сан байгуулсан байна Эдгээр цэцэрлэгийн 7682 бүлгийн номын санд нийт 291 гаруй бүтээл бий аж. Номын сангийн үйл ажиллагааны нэг хэсэг болох “Хамтдаа уншицгаая”, “Явуулын номын сан”, “3өөврийн номын төв”, “Номтой нөхөрлөе”, “Бяцхан номын санч”, “Номын ертөнцөөр аялцгаая”, “Нэг хүүхэд-нэг ном” зэрэг үйл ажиллагаанд давхардсан тоогоор 351 000 хүүхэд хамрагджээ. Номоор дамжуулан хүүхдийн хөгжлийг дэмжих уг арга хэмжээнд багачууд тун идэвхтэй хамрагдсан гэнэ. Цэцэрлэг бүр номын төрөл, хүртээмжийг нэмэх зорилготой ажиллаж буй аж
2024-07-26
“Ажил олгогчдод шаардлага тавьсан ч хариу өгөөгүй”
“Оюутолгой” компанийн ажилтнууд өчигдөр тайван жагсаал хийж, цаг үеийн асуудлаар мэдээлэл өглөө. Тус компани ажилчдынхаа цалинг үндэслэлгүйгээр хасаж, илүү цагийн мөнгө бодохоо больсон гэнэ. Мөн компанийн дотоод журмыг зөрчиж, ажилтнаа халсан гэж тэд хэллээ.
2024-07-26
Нийслэлд экологийн коридор байгуулах санаачилга гаргав
Монгол Улсын урт хугацааны хөгжлийн бодлого “Алсын хараа-2050”, Улаанбаатар хотыг2040 он хүртэлх хөгжлийн ерөнхий төлөвлөгөө, нийслэлийг 2021-2025 онд хөгжүүлэх үндсэн чиглэл зэрэг баримт бичгүүдэд зэрлэг амьтны нүүдэл, шилжилт хөдөлгөөн, идэш тэжээл, генетик солилцоог хангах нөхцөл бүрдүүлэх зорилгоор экологийн коридор бүсүүдийг байгуулахаар тусгасан байдаг
2024-07-26
Ойрын өдрүүдэд нийт нутгаар бороо их орно
Долдугаар сарын 26-ны өдрийн байдлаар Сэлэнгэ мөрөн Хялгант тосгон Зүүнбүрэн сум Сүхбаатар хот орчимд усны түвшин өмнөх өдрөөс 20-65 нэмэгдэж үерийн түвшинг 25 см давсан байна.
2024-07-26
Усны ослоос урьдчилан сэргийлэх самбарыг олноор байршуулъя
“Аав аа, битгий яв л даа, аюултай шүү дээ” хэмээн хүүхдүүд уйлна. Эрэгт буй хүмүүс хэн нэгний нэрийг дуудаж, гэр бүлийнх нь гишүүд уйлж, нуур луу орохоор зүтгэнэ. Амьд, эсэх нь ч мэдэгдэхгүй нэг минут. Энгийн үед урсаад л өнгөрдөг нэг хором амь дүйсэн үед маш урт хугацаа. Нуурын эргээс 10 орчим метрийн зайд “Найзад минь туслаач. Сэлж чаддаг хүмүүс байна уу, гуйя” хэмээн хүмүүс хашхирна. Тэдэн рүү хэдэн хүн сэлж очиж буй харагдана. Эрэг дээрх хүмүүсийн уйлах чимээ, хэн нэгний нэрийг дуудах нь тасралтгүй үргэлжилсээр
2024-07-26
Дэлхийн хамгийн том төрийн далбааг ууланд дэлгэлээ
"Парис-2024" олимпын наадмын нээлтийг тохиолдуулан дэлхийн хамгийн том төрийн далбааг ууланд дэлгэлээ. Тодруулбал, Үндэсний тусгаар тогтнол, эв найрамдал, цог хийморийн бэлгэдэл бүхий төрийн далбааг 4160 м2 хэмжээгээр монгол оёдолчдын баг ур ухаанаа шингээн, бүтээжээ.
2024-07-26
Даатгалаар үйлчлүүлсэн иргэдээс асуумж авч эхлэв
Эрүүл мэндийн даатгалаар тусламж, үйлчилгээ авсан иргэдийн гар утсанд баталгаажуулах зурвас илгээж эхэлснийг Эрүүл мэндийн даатгалын ерөнхий газар (ЭМДЕГ)-аас мэдээлэв. Тодруулбал, энэ сарын 1-20-нд яаралтай болон эмнэлэгт хэвтэн эмчлүүлэх тусламж, үйлчилгээ авсан иргэдийн гар утсанд одоогоор зурвас илгээгээд буй гэнэ. Уг зурваст тухайн иргэний хаана, хэзээ, ямар тусламж, үйлчилгээ авсныг бичжээ. Мөн тусламж, үйлчилгээ авахад ямар нэгэн хүндрэл чирэгдэл учирсан, эсэх болон нэмэлт төлбөр төлсөн, үгүйг нь лавласан асуумжийг багтаасан аж
2024-07-26
Дорноговь аймгийн Сайншанд сумаас Хамрын хийд чиглэлд зорчиход хүндрэлтэй байна
Дорноговь аймгийн Сайншанд сумын төвөөс Хамрын хийд рүү явах авто зам үерийн улмаас эвдэрчээ. Уржигдар нэг цаг үргэлжлэн орсон борооны улмаас нөхцөл байдал ийн хүндэрч, автомашинаар зорчих аргагүй болсон аж. Тиймээс тус хэсгийн замыг өчигдрийн 12.00 цаг хүртэл түр хугацаанд хаав. Уг чиглэлийн зам өнгөрсөн зургаадугаар сард ч усанд автаж, эвдэрсэн юм. “Ус зайлуулах шугам сүлжээ дутмаг, зам засварын ажлыг нь дутуу гүйцэтгэснээс ийм явдал байнга гарч байна” хэмээн орон нутгийн иргэд шүүмжилж байлаа
2024-07-26
Сангийн далай орчим долоон тооны ангир, цахлай үхжээ
Говь-Алтай аймгийн Хөхморьт сумын нутаг дахь Сангийн далай нуурын ойр орчимд олон тооны цахлай, анхидал ангир үхсэн тохиолдол хоёр дахиа давтагдлаа. Тодруулбал, зургаан жилийн өмнө буюу 2018 оны наймдугаар сард тус нуурын ойролцоо ангир, цахлай олноороо үхсэн байсныг орон нутагт аялал зугаалгаар явж буй иргэд нийгмийн сүлжээнд баримттай мэдээлж, эл асуудлыг олон нийтийн анхааралд оруулж байв.
2024-07-26
461 дүгээр ангид хоригдож байсан 21 настай залуу юуны учраас амиа алдав
ШШГЕГ-ын харьяа цагдан хорих 461 дүгээр ангид хоригдож байсан 21 настай О энэ сарын 23-нд Улсын гуравдугаар төв эмнэлэгт нас барсан харамсалтай хэрэг гарсан юм. Талийгаачийн ар гэрийнхэн түүнийг цагдаагийн алба хаагчдад зодуулсан, дарамт шахалтад байсан хэмээн мэдээлэл өгсөн юм. О нь өнгөрсөн дөрөвдүгээр сарын 24-нөөс цагдан хоригдож байжээ. Түүнийг үхэлд хүргэсэн шалтгааныг тогтоохоор шинжээч эмч нар ажиллаж буй аж.
2024-07-26
Үерийн дараах ариутгал, халдваргүйжүүлэлтийн ажил эзэнгүйдэв
Үерийн дараа ариутгал, халдваргүйжүүлэлтийг тогтмол, сайн хийх нь чухал. Учир нь үерийн ус тархсан газруудад өвчин үүсгэгч бичил биетэн үржих тохиромжтой орчин бүрддэг аж. Улмаар хүн амын эрүүл мэндэд сөрөг нөлөө учруулдаг. Халдварт нян хөрсөнд удаан хугацаагаар амьдарч халдварт өвчин гарах нөхцөл бүрдүүлдэг юм байна
2024-07-26
Хилийн чанад дахь Монголчууд чуулна
Гадаад харилцааны яам, “Хилийн чанад дахь монголчуудын зөвлөл” НҮТББ хамтран 2024 оны наймдугаар сарын 02-ны өдөр “Хилийн чанад дахь монголчуудын нэгдсэн чуулга уулзалт”-ыг Улаанбаатар хотноо зохион байгуулна.
2024-07-26
Өнөөдөр их хэмжээний бороо үргэлжлэн орно
26-27-нд зүүн аймгуудын нутгаар бороо үргэлжлэн орох тул Сэлбэ, Туул, Тэрэлж, Хэрлэн, Онон, Улз голуудын усны түвшин улам нэмэгдэхийг иргэд, аялагчдад онцгойлон анхааруулж байна.
2024-07-26
