Хамаарал бүхий этгээд гэдгээ ч мэдэхгүй Ч.Номин хууль тогтоолцож байгаа нь харамсалтай
УИХ-ын гишүүн, Соёл, спорт, аялал жуулчлал, залуучуудын сайд Чинбатын Номин хуулийг гууль болгож, үл ойшоож сурсан нэгэн бололтой. Ирэх оны төсөв хэлэлцэж байгаа энэ үед Ч.Номингийн хамаарал бүхий “Тэрэлж сүйх” ХХК-ийн “Тэрэлж” зочид буудалд төсвөөс олон сая төгрөг төлж, үйл ажиллагаа зохион байгуулсан нь олны анхааралд байна. Хамаарал бүхий хүнийх нь нэр дээрх зочид буудалд татвар төлөгчдийн олон сая төгрөгийг шилжүүлэх гэж байсныг Ч.Номин мэдэхийн дээдээр мэдсэн нь лавтай. Гэтэл өнөөдөр арьсаа хамгаалан, надад хамаагүй хэмээн мэлзэж, ард түмнийг доромжилсон аястай үгс хэлж суугаа нь эмгэнэлтэй.
2024-10-25
Ерөнхий сайд Нетаньяхугийн гэр лүү пуужин харважээ
ХАМАС-ын хяналтад байдаг Газын зурвасын эрх баригчдын мэдээлснээр саяхны нэг шөнө Бейт-Лахия хотод Израилын өгсөн цохилт 90 шахам хүний амь хөнөөсний дотор хүүхэд, эмэгтэйчүүд байжээ. 40 гаруй хүн шархадсан, нуранги дор бас олон хүн дарагдсан байна. Израилын арми буюу ЦАХАЛ-ын баримтаар бол сүүлийн өдрүүдэд агаарын цэргийн хүчин нь Газын зурвас хийгээд Ливаны 175 орчим байнд цохилт өгчээ.
2024-10-24
"Эрүүл насжилт"-ын 10 жилийн бодлого, стратеги танилцуулав
Гэр бүл, хөдөлмөр, нийгмийн хамгааллын яам, Эрүүл мэндийн яам, Геронтологийн үндэсний төвтэй хамтран төр, хувийн хэвшлийн түншлэлийн хүрээнд ахмад настны эрүүл мэнд, нийгмийн оролцоог дэмжих чиглэлээр үйл ажиллагаа явуулдаг төрийн бус байгууллага, ахмадын байгууллагын төлөөллийг оролцуулсан “Ахмад настны эрүүл, идэвхтэй насжилтыг дэмжье” сэдэвт уулзалт, хэлэлцүүлгийг 2024 оны 10 дугаар сарын 23-ны өдөр зохион байгууллаа.
2024-10-24
“Сэргээн нутагшуулсан зэрлэг тахь зөвхөн Монголд бий”
Монгол орны говь талын өргөн уудам нутагт олон зууны турш тархан байршиж асан тахь адуу XIX зууны эхээр зөвхөн Алтайн баруун бэл, Зүүнгарын говийн урд хэсэг Байтаг богд, Хавтаг, Тахийн шар нурууны ар хөндийн өргөн талд сүргээрээ амьдарч байжээ.
2024-10-24
Б.ГАНБОЛД: Бүтээл туурвиж, олны “өгөөш” болж буйдаа туйлын баяртай байна
Хүний далдын далд амтлах сан гэж хүсэх бал бурам, холуур л тойроосой гэх айдас, хүсдэг ч үйлдэж эс чадах танхайрлыг жишим ч үгүй дэлгэж, олны алга ташилт, хараалыг зэрэгцүүлж “буулгадаг” нэгэн өөдөөс минь харан сууж байна. Хүний амьдралын зовлон бэрхшээл, асуудал хэзээ ч барагдахгүй. Тиймээс уран бүтээлчдэд туурвих өнцөг, хөндөх сэдэв хэзээ ч мундахгүй биз. “Орхидос”, “Намаг”, “Хоёр амь”, “Улаан дөрвөлжин”, “Тэнгэрийн андгай”, “Пагмадулам” зэрэг 10 гаруй кино найруулаад буй Б.Ганболдтой ярилцсанаа уншигч танд хүргэе.
2024-10-24
“Намрын үдшийн галерей”-г маргааш нээх нь
Түүнчлэн дүрслэх урлагийн уран бүтээлчид “Ажлын байрандаа” гэх сэдэвт фото зургийн үзэсгэлэн гаргахаар төлөвлөжээ. Ингэхдээ урлагийн боловсрол олгох 10 гаруй хөтөлбөр бэлтгэсэн аж.
2024-10-24
Монгол орны биологийн төрөл, зүйлүүдийг “Улаан данс”-ны шалгуураар үнэлнэ
“Алсын хараа-2050” урт хугацааны хөгжлийн бодлогын баримт бичигт “Ховордсон зүйлийн хамгааллын арга замыг тодорхойлж, хэрэгжүүлнэ” гэж тусгасан. Түүнчлэн Байгаль орчин, уур амьсгалын өөрчлөлтийн яам сээр нуруутан амьтдыг “Улаан данс”-ны шалгуураар үнэлж, хамгааллын төлөвлөгөө боловсруулах ажлыг энэ жилийн төлөвлөгөөндөө багтаасан байдаг.
2024-10-24
9773 га талбайг нөхөн сэргээжээ
Засгийн газар “Нөхөн сэргээлт-2024” нэгдсэн арга хэмжээг улсын хэмжээнд хэрэгжүүлж, уул уурхайн олборлолтын нөлөөгөөр эвдэрсэн 8000 га талбайг нөхөн сэргээх зорилтыг 2020-2024 оны үйл ажиллагааны хөтөлбөртөө тусгасан. Тэгвэл холбогдох яамд, орон нутгийн засаг захиргааны байгууллага, хувийн хэвшлийн аж ахуйн нэгжүүд хамтран ажилласны үр дүнд эл зорилтыг давуулан биелүүлээд буйг Байгаль орчин, уур амьсгалын өөрчлөлтийн яамны Хяналт, үнэлгээ, аудитын газраас мэдээллээ.
2024-10-24
“Төрийн байгууллагын бүх нэгжид Хөгжлийн бэрхшээлтэй иргэдийн зөвлөл ажиллуулна”
Хөгжлийн бэрхшээлтэй иргэдийн эрх ашгийг хамгаалдаг 90 орчим байгууллага нэгдэж, тэгш, хүртээмжтэй нийгмийн оролцоог хангах зорилготой нэгдсэн чуулганыг арванхоёрдугаар сарын 3-нд зохион байгуулах аж. Энэ талаар “Хуралдай хөгжлийн бэрхшээлтэй хүний эрхийг хамгаалах үндэсний сүлжээ” төрийн бус байгууллагын гишүүд өчигдөр мэдээлэл өглөө.
2024-10-24
Энэ он гарснаас хойш 18 хүн ДОХ-оор өвчилжээ
Энэ оны эхний найман сард 18 хүн ДОХ-оор өвчилснийг тогтоожээ. Тэр дундаа өнгөрсөн сард хоёр хүн ХДХВ-ийн халдвар авсан нь батлагдсан аж. Он гарснаас хойш илрүүлсэн тохиолдлууд нь өмнөх жилийн мөн үеийнхтэй адил байна. Бүх тохиолдлыг Улаанбаатар хотод илрүүлжээ. Манай улсад анх 1992 онд ХДХВ/ДОХ бүртгэгдэж байв. Түүнээс хойш халдвар авсан хүний тоо одоогоор 386-д хүрээд буй юм. Уг өвчний улмаас нас барсан тохиолдол энэ онд бүртгэгдээгүй гэнэ.
2024-10-24
Нарансэвстэйн боомтыг сэргээн байгуулах шийдвэрийг байгаль орчны салбарынхан эсэргүүцэж байна
Засгийн газар 2024-2028 оны үйл ажиллагааны мөрийн хөтөлбөртөө “Говийн их дархан цаазат газарт Нарансэвстэйн боомтыг сэргээж, нээнэ” хэмээн тусгасан нь байгаль орчны салбарынхны унтууцал, бухимдлыг “өрдөж” байна. Говийн их дархан цаазат газрын А хэсэгт, бөхөн, мазаалай, хавтгай, хар сүүлт зэрэг ховор амьтны гол идээшил нутагт боомтын үйл ажиллагаа эхлүүлснээр говийн бүсийн, цаашлаад Монгол орны экосистем, биологийн олон янз байдалд нөхөж баршгүй гарз хохирол учирна хэмээн судлаач, мэргэжилтнүүд болгоомжилж буй юм.
2024-10-24
Хөхний хорт хавдрыг даван туулагчид туршлагаасаа хуваалцах нь
Дэлхийн эрүүл мэндийн байгууллагынхан жил бүрийн аравдугаар сарыг Хөхний хорт хавдартай тэмцэх сар болгон зарласан. Үүний хүрээнд Хавдар судлалын үндэсний төвийнхөн “Өөрийгөө ойлго, өөрийгөө чөлөөл” уулзалтыг маргааш Нийгмийн эрүүл мэндийн үндэсний төвийн байранд зохион байгуулах нь. Түүнчлэн хорт хавдраа даван туулсан хүмүүсийн гэрэл зургаар үзэсгэлэн гаргах юм байна.
2024-10-23
Бие даалтын долоо хоногт юу хийж болох вэ
Ерөнхий боловсролын сургуулиудын 2024-2025 оны хичээлийн жилийн бүтцийг Боловсролын сайдын тушаалаар батлахдаа I, II улиралд бие даалтын долоо хоног зохион байгуулахаар төлөвлөсөн билээ. Үүний дагуу нэгдүгээр улирлын бие даалтын долоо хоногийг энэ сарын 28-наас эхлүүлэх нь. Энэ хугацаанд сурагчид танхимд хичээллэхгүй бөгөөд музей, урлаг соёлын тоглолт, спортын тэмцээн зэрэг арга хэмжээг сургуулиуд өөрсдөө сонгон зохион байгуулах аж. Зохион байгуулах үйл ажиллагааны талаарх зөвлөмжийг Боловсролын ерөнхий газраас гаргасан байна.
2024-10-23
