Казахстаны Туркестан хотод зохион байгуулсан “Eurasian dance festival-2024”-т Дархан-Уул аймгийн “Sway dance” академийн бүжигчид улсаа төлөөлж, найман орны оролцогчидтой ур чадвараа сорьсон. Тэднээс Б.Мөнх-Үжин “Өсвөр-1” ангиллын бүжгийн тэмцээнд, Г.Энхтуяа залуучууд болон насанд хүрэгчдийн ангиллын стандарт төрөлд аваргын төлөө өрсөлдөж, мөнгөн медаль хүртлээ. Г.Маралгоо “Хүүхэд-2” ангиллын тэмцээнээс хүрэл медаль гардав. Тус тэмцээнд Монголын шүүгчдээс А.Амармэнд, Б.Баярцэнгэл нар ажиллажээ.
Сонирхуулахад, “Moon dance” хамтлагийн бүжигчин, ОУХМ М.Цэлмүүн 2022, 2023 онд хамтлагийнхаа гарааны бүрэлдэхүүнд багтаж, ДАШТ-ээс мөнгө, хүрэл медаль хүртсэн. Тэрбээр дэлхийд 25-д бичигддэг, Ази тивд тэргүүлдэг Цинхуа их сургуульд элсэхээр болсон байна.
