“Pixar” студийн уран зөгнөлт “Коко” хүүхэлдэйн киноноос сэдэвлэсэн “Намайг дурсаарай Коко” хүүхдийн жүжгийг “Улаанбаатар” болон “Маппет” театрынхан хамтран энэ бямба гарагт үзэгчдийн хүртээл болгоно.
Эл жүжигт урлаг, тэр дундаа дуу хуурыг эсэргүүцдэг гэр бүлийнхээ эсрэг бат зогсож, хатуу хоригийг үл харгалзан өөрийгөө ойлгуулах хүндхэн даваатай тулгарсан, хөгжимд хайртай Мигель хүүгийн тухай өгүүлэх аж.
Таваас дээш насны хүүхэд багачуудад зориулсан уг жүжгээс мексик соёлын гайхамшгийг мэдрэх боломжтой. Бас зураачийн сонирхолтой шийдлийг чадварлаг жүжигчдийн гүйцэтгэл, өнгөлөг тайз, аялгуут хөгжим, уран бүжгийн хамт үзэж болно.
У.СҮРЭН
