“Монгол банхар” клубийн аваргыг шалгаруулах тэмцээн энэ сарын 13-нд болно. Уг тэмцээнийг Монголын банхар судлалын холбооноос зохион байгуулж буй аж. Тэмцээнд оролцогч банхруудыг үндсэн дөрвөн насны ангиллаар өрсөлдүүлэх нь.
Тухайлбал, 2023-2024 онд төрсөн гөлгөн ноход, 15-24 сартай, насанд хүрсэн, ахмад буюу наймаас дээш насны гэсэн ангилалд аваргуудаа шалгаруулах гэнэ. Тэмцээнд оролцох бол “Монгол банхар” клубийн цахим хуудсаар дамжуулан бүртгүүлэх боломжтой. Бүртгэл 10 хүртэл үргэлжилнэ.
А.ДӨЛГӨӨН
