Чөлөөт цагаараа сонирхолтой зүйл хийж, уйдахааргүй өнгөрөөх нь ажлын бүтээмжид ч нөлөөлдөг шүү дээ. Найз нөхөдтэйгөө урлагийн тоглолт, үзэсгэлэн үзэхэд таны сэтгэл зүйн байдалд багахан ч болтугай дэм үзүүлнэ. Иймд ойрын өдрүүдэд болох үйл ажиллагааны мэдээллийг хүргэе.
“INDIFEST-2024” ХӨГЖМИЙН НААДАМТАЙ
Залуу уран бүтээлчдийн хамтран зохион байгуулж буй “Indifest-2024” хөгжмийн наадам Үндэсний соёл, амралтын хүрээлэнд байрлах “Happy park”-т маргааш болно. Эл наадамд рок хөгжмийн хамтлагууд оролцох гэнэ. Тухайлбал, 168 нэрээрээ олонд танигдаад буй Х.Тэнгис, мөн “Deep sea vin¬cents”, “Teresa in the moon”, “Uudee’s swashbuckling dandies” зэрэг хамтлаг оролцох нь. Тоглолтын талбайд үзэсгэлэнгийн, хоолны хэсэг багтана. Тасалбарын үнэ 55 000-85 000 төгрөг аж.
“АНХНЫ ХАЙР”-АА ДУРСААРАЙ
“Guys” хамтлагийн дуучин А.Төгсбаярын анхны бие даасан тоглолт нөгөөдөр буюу энэ сарын 7-нд “UG arena”-д болох нь. Тоглолтод “Gangbay”, “Motive”, “Freezone” зэрэг хамтлаг оролцох аж. Энгийн тасалбар нь 150 000 төгрөгийн үнэтэй.
НЭГ ХҮНИЙ ЖҮЖГИЙН ОЛОН УЛСЫН УРАЛДААНЫГ СОНИРХООРОЙ
“Ялагчдын цуваа Улаанбаатар-2024” нэг хүний жүжгийн олон улсын уралдааныг энэ сарын 6-10-нд Тусгаар тогтнолын ордон, “Улаанбаатар” театрт зохион байгуулах аж. Уралдааныг “МоноАкт” олон улсын нэг хүний жүжгийн уралдааны шилдэг жүжигчин шагналын эзэн, Дархан-Уул аймгийн “Залуучууд” театрын жүжигчин Ч.Дунгаамаа “Хайрт минь энэ бол ердөө л эхлэл нь” жүжгээрээ нээнэ. Энэ уралдааны хүрээнд зургаан жүжгийг олон нийтэд толилуулах юм байна. Тэдгээр жүжгийг үзэхийг хүсвэл ticket.mn сайтаар дамжуулан 30 000 төгрөгөөр тасалбараа авна.
ДЭЛХИЙН ШИЛДЭГ УРАН НУГАРААЧИД ТОГЛОХ НЬ
Дэлхийн шилдэг уран нугараачдын үзүүлбэрийг энэ сарын 7-8-нд болох“Уян тансаг” тоглолтоос сонирхоорой. Үүнд Монгол, АНУ, Япон болон Европын орнуудаас мэргэжлийн уран бүтээлчид оролцох аж. Тоглолтын найруулагчаар Ю.Гэрэлбаатар ажиллана. Ерөнхий зохион байгуулагчаар нийслэлийн ЗДТГ, “Улаанбаатар” театр, Монголын уран нугаралтын холбоо ажиллажбуйюм. Уг үзүүлбэрүүдийг өнгөрсөн онд АНУ-ын Лас-Вегас хотын иргэдэд толилуулсан аж.
ЗУНЫ УЛИРЛЫГ МАРГААШ “ҮДНЭ”
Үндэсний соёл, амралтын хүрээлэнгийнхэн зуны улирлыг “үдэх” аргахэмжээгээмаргааш зохион байгуулна. Энэүеэрболохурлагийнтоглолтод реппер Maberrant буюу Г.Мягмардорж, MRS M буюу Э.Тамир, Ginjin нэрээрээ олонд танигдсан Г.Гарьд нар оролцох юм байна. Энэ тоглолтыг үнэ төлбөргүйгээр Үндэсний соёл, амралтын хүрээлэнд сонирхох боломжтой. Тэдний дуунд уясаж, Хүүхдийн паркийн тоглоомоор тоглоннэг өдрийг зугаатай өнгөрөөх нь болзооны сонирхолтой санаа ч байж мэднэ.
А.Үүл
