Гандантэгчэнлин Хийдийн Ажлын албаны дарга, гавж Д.Нямсамбуу, ажилтан Жалханз хутагт Данзэнчойжийванчүг, гавж Д.Алтаншагай, Ц.Мөнхбат нар энэ сард Баянзүрх дүүргийн зарим сүм хийдүүдэд ажиллав.
Ажлын албаныхан Баянзүрх дүүргийн Бурхан шашны төв Дэчинравжайлин хийдийн хамба лам М.Хүрэлцэнд, Бусдад туслахуй Манба дацан хийдийн хамба лам Д.Нацагдорж, Үржиншаддүвлин хийдийн хамба лам Л.Батзориг, Саж бандидын Номын хүрдэн хийдийн үүсгэн байгуулагч Б.Отгонбаатар, Ловон Бадамжунайн нууц тарнийн номын хийдийн хамба лам Л.Батцэнгэл болон тус хийдүүдийн мяндагтан лам нартай уулзжээ. Улмаар бурхны шашнаа түгээн дэлгэрүүлэх тухай санал солилцож, дээрх хийдүүдийн бүтээн байгуулалт, лам боловсон хүчин, хурал номын үйл ажиллагаатай танилцлаа.
Гандантэгчэнлин Хийдийн Ажлын албанаас цаашид хуваарь, төлөвлөгөө гарган Улаанбаатар хотын бусад дүүргийн хийдүүдийн үйл ажиллагаатай танилцахаар зорин ажиллаж байна.
