2023 онд Монгол Улсын Хөгжлийн банк олон улсын зах зээлд гаргасан 30 тэрбум иений өрийн бичиг болон 500 сая ам.долларын өрийн бичгийг барагдуулжээ.
Тус банк 2021 оны аравдугаар сард 142 458 000 000 төгрөгийн хаалттай өрийн бичгийг Монголын биржийн бус зах зээлд гаргажээ. Энэхүү өрийн бичиг нь Монгол Улсын зах зээлд гаргасан хамгийн том өрийн бичиг аж. Улмаар 2022 оны дөрөвдүгээр сарын 20-ны өдөр төгрөгийн үнэт цаасны хоёр дахь транч болох 76 531 000 000 төгрөгийг 2025 оны дөрөвдүгээр сард төлөх нөхцөлтэйгөөр, Монголын биржийн бус зах зээл дээр гаргасан.
2023 оны тавдугаар сард тус банк 260 073 000 000 төгрөгийн хаалттай өрийн бичгийг гаргав. 2023 оны зургадугаар сард төгрөгийн үнэт цаасны хоёр дахь транч болох 85 935 000 000 төгрөгийг 2027 оны тавдугаар сард төлөх нөхцөлтэйгөөр арилжаалсан.
Мөн оны арванхоёрдугаар сард дотоодын арилжааны банкнуудад нийт 32 сая ам.долларын үнэт цаасыг 2025 оны арванхоёрдугаар сард төлөх нөхцөлтэйгөөр арилжаалав.
