БНМАУ-ын баатар, ЗХУ-ын удаагийн баатар, маршал Г.К.Жуковын нэрэмжит Зэвсэгт хүчний 327 дугаар ангийнхан Монгол Улсад генерал цол олгогдож эхэлсэний түүхт 80 жилийн ойг угтаж хурандаа генерал С.Равдангийн дурсгалын хөшөө болон маршал Г.К.Жуковын цогцолборт 10 нэр төрлийн жимсний мод тарилаа.
Дорнод аймгийн Ерөнхий боловсролын "Шинэ хөгжил" сургуулийн 4 дүгээр ангийн сурагчид аав, ээжийнхээ хамтаар тус ангид зочилж, хамтдаа мод тарьснаараа онцлог байв. Тус ангийн захирагч хурандаа Д.Бямба сурагчдад мод тарих нь байгаль дэлхийн тэнцвэртэй байдалд ямар ач тустайг ойлгуулахын сацуу ангийнхаа онцлог, үүргийн талаар анхны ойлголтыг өглөө.
Мөн энэ үеэр соёл хүмүүжлийн офицерууд Халхын голын байлдааны 85 жилийн ой энэ жил тохиож байгаа талаар мэдээлэл хүргэж, хурандаа генерал С.Равдан, маршал Г.К.Жуковын намтар түүх, Халхын голын байлдаанд гүйцэтгэсэн гарамгай гавьяаг сурталчилж, ангийнхаа дайчин алдрын танхим, хүндэтгэлийн өргөөг танилцуулсан нь сурагчдад цэргийн албаараа бахархах сайхан сэтгэгдлийг төрүүлж чадсан юм.
Хошууч Э.МӨНХБАЯСАХ
