Германы домогт хөлбөмбөгч Франц Беккенбауэр 78 насандаа таалал төгсжээ. Энэ тухай DPA агентлаг тамирчны ар гэрийнхнийг дурдан мэдээлэв.
"Бидний хайрт хань, эцэг Франц Беккенбауэр гэр бүлийнхнээрээ хүрээлүүлэн амгалан тайван нойрслоо" гэж гэр бүлийнхэн нь даваа гарагт мэдэгдсэн байна.
Беккенбауэр Германы шигшээ багийн тамирчин байхдаа 1972 онд Европын, 1974 онд дэлхийн аварга аварга болсон юм. Тэрээр клубын түвшинд 1964-1977 онд Байерн Мюнхений төлөө 400 гаруй тоглолт хийж, Германы аварга, үндэсний цомын аварга, Европын аваргуудын цомын Тамирчин карьерынхаа төгсгөлд Нью-Йорк Космос багийн бүрэлдэхүүнд Хойд Америкийн хөлбөмбөгийн лигт гурван удаа түрүүлсэн байна.
Дасгалжуулагчийн хувьд тэрээр 1990 оны дэлхийн аваргад Германы багийг ялалтад хүргэсэн юм. Беккенбауэр бол тоглогч, дасгалжуулагчийн хувиар (Бразилийн Марио Загалло, Францын Дидье Дешам нарын хамт) дэлхийн аварга болсон гуравхан хөлбөмбөгчний нэг юм.
1991 онд Марсель клуб түүний удирдлаган дор Францын аварга болсон бол 1994 онд Байерн баг Германы аварга, 1996онд УЕФА-гийн цом хүртжээ.
"Der Kaiser" (Эзэн хаан) гэгддэг байсан Ф.Беккенбауэр бүх цаг үеийн хамгийн шилдэг хөлбөмбөгчдийн нэг байлаа.
