ОХУ-ын Аюулгүй байдлын зөвлөлийн нарийн бичгийн дарга Николай Патрушевын ОХУ-д импортын бараа нийлүүлэхийг хязгаарлах тухай саналыг тус улсын засгийн газар дэмжжээ.
Үйлдвэр, худалдааны яам хүнсний бус өргөн хэрэглээний зарим барааг импортлохыг хориглох асуудлыг хэлэлцэж байна гэж тус яамны орлогч сайд дарга Виктор Евтухов мэдэгдэв.
Түүний хэлснээр, энэ хязгаарлалт нь 2014 онд Крымыг өөртөө нэгтгэж мөн Донбасс дахь дайн эхэлсний дараа ОХУ-ын авсан сөрөг хориг арга хэмжээтэй төстэй гэж хэлж болно. Тэгэхэд Оросын эсрэг сөрөг арга хэмжээнд нэгдсэн Европын холбоо, АНУ, Канад, Австрали, Норвеги болон бусад орноос мах болон махан бүтээгдэхүүн, загас, далайн хүнс, хүнсний ногоо, жимс, жимсгэнэ зэргийг импортлохыг хориглож байсан юм.
Энэ удаад хувцас, ахуйн цэвэрлэгээний бодис болон бусад хүнсний бус бүтээгдэхүүнийг хориглож магадгүй гэж Евтухов хэлэв. ОХУ-д хүнсний бус барааны жижиглэнгийн худалдааны эргэлт жилд 25 их наяд рубльд хүрдэг бөгөөд үүний 15 их наяд нь импортоос бүрддэг гэдгийг тэрээр дурдав.
"Эдгээр 15 их наяд бидний амьдралд үлдэхийн тулд бид том зүйлийн талаар ярьж байна, ялангуяа бид өөрсдөө үйлдвэрлэдэг ахуйн химийн бодисоос эхлээд хөнгөн үйлдвэрийн бүтээгдэхүүнүүдэд хязгаарлалт хийх талаар авч үзэх шаардлагатай. Энэ хэсэгт хязгаарлалт хийнэ гэж бодож байна" гэж дэд сайдын хэлжээ.
