Бие гүйцсэн хачгийн хамгийн идэвхтэй байдаг үе тохиож буйтай холбогдуулан нийслэлийн Зоонозын өвчин судлалын төвөөс иргэдийг энэ төрлийн амьтнаар дамждаг халдвараас сэргийлүүллээ. Ялангуяа голомт бүхий бүс нутагт амьдардаг иргэд, ой, мод ихтэй газраар байнга зорчдог малчид, тариаланчид, байгаль хамгаалагчдыг хачигт хазуулахаас урьдчилан сэргийлэхийг зөвлөв. Ойд зорчихдоо тод өнгийн битүү хувцас өмсөж, шавжаас хамгаалах бодис, түрхлэг хэрэглэн, биедээ хачиг буй, эсэхийг тогтмол шалгах нь эрсдэлээс сэргийлэх эхний алхам гэдгийг тархвар судлагч эмч нар анхаарууллаа.
Бэлтгэсэн: Н.Мишээл
