Монголбанкны Ерөнхийлөгч Б.Лхагвасүрэн 2022 оны 12 дугаар сарын 4-нөөс 6-ны өдрүүдэд Камбожийн Хаант Улсын Сием Рип хотноо зохион байгуулагдсан Зүүн Өмнөд Азийн Төв банкнуудын холбоо (ЗӨАТБХ)-ны Ерөнхийлөгч нарын 58 дахь удаагийн уулзалтад болон 42 дахь удаагийн удирдлагын зөвлөлийн хуралд оролцлоо.
Уг дээд түвшний уулзалтад 16 улсын Төв банкны удирдлага оролцсоны дээр Ази, Номхон далайн орнуудын Зүүн Өмнөд Азийн Төв банкнуудын холбооны гишүүн орнууд, Олон улсын ажиглагч байгууллагын төлөөллүүд оролцож, дэлхийн болон Азийн эдийн засгийн өнөөгийн нөхцөл байдал, уур амьсгалын өөрчлөлттэй холбоотой шилжилтийн үеийн сорилтууд, түүний эсрэг тэмцэхэд шаардлагатай санхүүжилт зэрэг асуудлаар санал солилцож, хэлэлцлээ.
