Италийн “Наполи” баг солилцоо наймааны цонх хаагдахаас өмнө “Манчестер юнайтед”-аас К.Роналдуг авах бодолтой байгаа гэж “Manchester еvening news” мэдээллээ. Тус эх сурвалжийн өгүүлснээр нэрт хөлбөмбөгчийн төлөөлөгч Ж.Мендештэй Наполигийн багийн удирдлага уулзаж ярилцсан бөгөөд хэрэв гэрээ байгуулах боломжгүй байвал зээлээр авах гэсэн хоёр хувилбарыг санал болгосон гэнэ. Одоогийн байдлаар “Наполи” Италийн дээд лигийг долоон оноотой тэргүүлж байгаа. “Аваргуудын лиг”-т бол “Аякс”, “Ливерпуль”, “Рейнжерс” багтай нэг хэсэгт тоглохоор оноолт таарсан. Тиймээс энэ жил “Аваргуудын лиг”-т тоглохгүй “Манчестер юнайтед”- ыг орхиж, “Наполи”-д ирэх нь К.Роналдуд ашигтай байх талтай юм.
