Долдугаар сарын 20-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 201 дахь өдөр бөгөөд он дуусахад 164 хоног үлдлээ.
- Нийслэлд үүлэрхэг. Дуу цахилгаантай аадар бороо орно. Салхи баруун өмнөөс секундэд 5-10 метр, борооны өмнө түр зуур ширүүснэ. Өдөртөө 23 хэм, шөнөдөө 10 хэм дулаан байна.
- Билгийн тооллын 22. Буд гараг. Дэлгэрүүлэгч одтой хөх нохой өдөр. Өдрийн наран 5 цаг 14 минутад мандан, 20 цаг 43 минутад жаргана. Тухайн өдөр бар жилтнээ аливаа үйлийг хийхэд эерэг сайн ба морь могой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Өнөөдөр үс засуулбал, эд эдлэл, идээ ундаа элбэг олдоно хэмээжээ.
- Манай улсын голлох валют болох ам.долларын ханш авах нь 3180.00, зарах нь 3190.00 төгрөгтэй тэнцэж байгаа бол бусад валют болох рубль авах нь 51.00, зарах нь 52.00, харин юань авах нь 472.00, зарах нь 475.00 вон авах нь 2.37, зарах нь 2.40 төгрөг байна.
Өнөөдөр болох онцлох үйл явдлууд:
- 10.00 цагаас Засгийн газрын ээлжит хуралдаантай
- 11.00 Короновирусийн тархалтын талаарх тоон мэдээллийг цахимаар өгнө. ЭМЯ
Энэ өдөр дэлхийн түүхэнд:
- Өнөөдөр бол Африкийн улсуудын Мод тарих үндэсний өдөр.
- Мөн өнөөдөр Коста Рикад Инженерүүдийн баярын өдөр тохиож байгаа юм байна.
- Колумба улс Тусгаар тогтнолоо зарлаж байжээ.
- 2015 онд АНУ болон Куба улсууд дипломат харилцаагаа сэргээжээ.
- 1949 онд Израйл болон Сири 19 сарын дайныг эцэслэх гэрээнд гарын үсэг зуржээ.
- 1940 онд Дани улс Үндэсний лигээс гарчээ.
