Хөвсгөл аймгийн Алаг-Эрдэнэ сумын Ужиг багийн “Харганы давааны-Ам” гэдэг газар /аймгийн төвөөс хойд зүгт 80 км, сумын төвөөс хойд зүгт 20 км-т/ өчигдөр 15:00-15:30 цагийн хооронд усархаг ширүүн бороо орсны улмаас 1 айлын гэр усанд автсан, 1 айлын гэр үерт урсжээ. Тус аймгийн Онцгой байдлын газрын Хатгал тосгон дахь Гал түймэр унтраах, аврах 69 дүгээр ангийн алба хаагчид, тус сумын Засаг даргын Тамгын газрын ажилтнууд 20 км зам туулан очиход иргэн Ч-ийн 5 ханатай гэр үерт урссан, Б-ийн 5 ханатай гэр усанд автсан тул 8 том хүн, 1 гэрийг нүүлгэн шилжүүлсэн тухай мэдээллийг тус сумын Засаг дарга 16:21 цагт аймгийн Онцгой байдлын газарт ирүүлсэн.
