Ф. Меркьюрид Азийн хүндэт шагнал олгожээ

Алдарт “Queen” хамтлагийн дуучин Фредди Меркьюрид хөгжмийн ертөнцөд үнэтэй хувь нэмэр оруулсных нь төлөө Азийн хүндэт шагнал олгожээ. Их Британийн нийслэл Лондонд болсон шагнал гардуулах ёслолд Ф. Меркьюригийн гэр бүлийнхэн, “Queen” хамтлагийн гитарчин Брайан Мэй нар хүрэлцэн ирж шагналыг гардсан байна.

Мөн R&B дуучин Жей Шон, хөгжмийн зохиолч Рави Шанкар, жүжигчин Мира Сайал нар кино, хөгжмийн ертөнцөд амжилт гаргасны учир уг шагналыг хүртжээ. Дашрамд дурдахад, Фарух Бульсара буюу Фредди Меркьюри Занзибарт төрж, Энэтхэгт боловсрол эзэмшсэнийхээ дараа Их Британид очсон аж.