Улаанбаатар - Дархан чиглэлийн зорчигчийн урсгал нэмэгдсэнтэй холбогдуулан энэ сарын 21-ний өдрөөс эхлэн Улаанбаатар - Дархан - Улаанбаатар чиглэлийн №303/304 зорчигчийн галт тэрэг өдөр бүр явахаар болсон талаар УБТЗ-аас мэдээллээ. Тодруулбал,
- Улаанбаатар-Дархан чиглэлийн зорчигчийн №303-р галт тэрэг өдөр бүр Улаанбаатар хотоос 08:50 цагт хөдөлж, Дархан хотод 13:17 цагт очно.
- Дархан-Улаанбаатар чиглэлийн зорчигчийн №304-р галт тэрэг өдөр бүр Дархан хотоос 14:07 цагт хөдөлж, Улаанбаатар хотод 19:00 цагт очих юм байна.
