Ливийн Жамахирийн удирдагч М.Каддафи хаана нуугдаж байгааг илрүүлсэн хэмээн Шилжилтийн үндэсний зөвлөл мэдэгдсэнийг Их Британийн “Sky News” телевиз дамжуулав. Ажиг лагчдын үзэж буйгаар М.Каддафи хөвгүүдийнхээ хамт өөрийн төрөлх хот Сиртийн ойролцоо нуугдаж байж магадгүй гэнэ. Мөн М.Каддафи Алжираар дамжин өөр орон руу дүр вэсэн гэх таамаглал ч газар авчээ.
Хурандаагийн байгаа газрыг олж мэдсэн учир түүнийг хөвгүүдийнх нь хамт удахгүй баривчилна хэ мээн босогчид мэдэгдэж байгаа юм. Үүний зэрэгцээ Шилжилтийн үндэсний зөвлөл Ливийн нийслэл Триполид нүүж ирж байгаа тухай босогчдын тэргүүн Мустафа Абдель Жалил өгүүлжээ.
Харин М.Каддафийн хүү Сайф аль-Ислам Триполи орчимд оршин суудаг томоохон омгийн тэргүүлэгчидтэй уулзаж, нийслэлийг эзлэх талаар төлөвлөгөө боловсруулж байна хэмээн “Ройтерс” мэдээлсэн байна. Энэ сарын 1-нд М.Каддафи мэдэгдэл хийж Ливид болж буй бүхэн урт удаан үргэлжлэх дайны эхлэл хэмээн онцолсон билээ.
