Жил бүрийн тавдугаар сарын 31-нийг тамхины эсрэг өдөр болгон дэлхий нийтээр тэмдэглэн өнгөрөөдөг билээ. Тамхи нь хүний биед сөрөг нөлөөтэйгээс гадна байгальд ихээхэн хохирол учруулдаг хорт бодис юм.
Тамхины иш нь байгальд хамгийн их хаягддаг хогийн нэгэн төрөл. Тодруулбал, дэлхийн бүхий л хог хаягдлын гуравны нэг буюу 38 хувийг тамхины иш эзэлдэг аж. Тамхины ишийг газар эсвэл цонхоороо хаях нь элбэг болсон бөгөөд тамхичдын 75 хувь нь эдгээр үйлдлийг өөрийн эрхгүй хийдэг гэх судалгаа бий. Эл хорт бодисын ишинд байрлах шүүлтүүрийг хүмүүс хөвөн гэж боддог ч яг үнэндээ 98 хувь нь хуванцар материалтай. Иймээс тамхины иш нь байгальд хаягдсан тохиолдолд задрах боломжгүй. Энэ нь хамгийн багадаа 10 жил байгальд оршин, бүрэн задарч дуусдаг. Дэлхийн эрүүл мэндийн байгууллагаас гаргасан нэгэн судалгаанд дэлхий дахинаа 560 үйлдвэр жилд дунджаар зургаан их наяд тамхи үйлдвэрлэгдэг гэх баримтыг дурдсан удаатай.
