Гадаадад буй Монголчууд E-Mongolia-д хэрхэн нэвтэрч, үйлчилгээ авах зааврыг хүргэж байна.
Мөн хилийн боомтод нэвтрэх байнгын зөвшөөрөл шинээр авах, сунгах бол энэхүү линкээр нэвтрэн онлайнаар үнэ төлбөргүй авах боломжтой боллоо. Хил хамгаалах байгууллага нь Монгол Улсын Олон улсын гэрээ, хэлэлцээр, Монгол Улсын хилийн тухай хуулиар хүлээсэн үүргээ хэрэгжүүлэх, хилийн болон хил орчмын дэглэмээс урьдчилан сэргийлэх зорилгоор хилийн бүс, зурваст аялал жуулчлалын үйл ажиллагаа явуулах иргэн, байгууллага, аж ахуйн нэгжид эрх бүхий байгууллагаас хуулийн хүрээнд олгосон зөвшөөрлийг үндэслэн хилийн бүс, зурваст нэвтрэхийг зөвшөөрдөг. Хилийн бүс, зурваст нэвтрэх зөвшөөрөл олгохдоо Улсын бүртгэлийн газар, Монгол Улсын Байгаль Орчин, Аялал жуулчлалын яам, Боловсрол, Соёл, Шинжлэх ухааны яам зэрэг байгууллагуудаас олгосон тусгай зөвшөөрөл, эрх зүйн актыг үндэслэн олгодог. Тэгвэл энэ бүх үйлчилгээний зөвшөөрлийг цахимаар авах боломж бүрджээ.
