Зэвсэгт хүчний 330 дугаар ангийнхан өнгөрсөн өдрүүдэд хээрийн бэлтгэлд гарчээ. Тодруулбал, сургалтын төвийн районд хээрийн гаралт, полигоны дадлагыг амжилттай зохион байгуулаа. Хээрийн гаралтаар мотобуудлагын тасаг, салаа, хүч нэмэгдүүлсэн мотобуудлагын салааны байлдааны буудлагатай тактикийн хээрийн сургуулийг хамтатган зохион байгуулснаараа онцлог болов. Энэ үеэр бие бүрэлдэхүүнийхээ онолын мэдлэгийг дадлагаар баталгаажуулж, амралт чөлөөт цагийг зөв боловсон өнгөрүүлэх зорилгоор соёл, олон нийтийн ажлыг зохион байгуулсан юм.
