Зорчих эрхийг хязгаарлах ялыг энэ оны нэгдүгээр сарын 1-нээс хэрэгжүүлж эхэлсэн. Үүнтэй холбогдуулан Улсын Ерөнхий прокурорын газрын Ял эдлүүлэх ажиллагаанд хяналт тавих хэлтсээс Шүүхийн шийдвэр гүйцэтгэх ерөнхий газартай хамтран “Цахим хяналт удирдлагын төвийн үйл ажиллагаа, цахим бугуйвч, программ, техник хангамжийг танилцуулах сургалт”-ыг цахим хэлбэрээр зохион байгууллаа. Сургалтад аймаг, Нийслэл, Тээвэр, дүүргийн прокурорын газрын ерөнхий прокурор, орлогч прокурор, хэрэг бүртгэх, мөрдөн байцаах болон ял эдлүүлэх ажиллагаанд хяналт тавих ажил хариуцсан прокурорууд оролцлоо.
