Ойрын өдрүүдэд цас орж, хүйтний эрч, чангарах талаар Цаг уур, орчны шинжилгээний газраас мэдээлсэн. Тэр ч утгаараа өнөөдөр Говь-Алтай болон Өвөрхангай аймгийн Хархорин суманд их хэмжээний цас оржээ. Тиймээс жолооч нар болон иргэдийг орон нутгийн замд зорчихгүй байхыг Тээврийн цагдаагийн газраас анхаарууллаа.
Түүнчлэн маргааш буюу 10 дугаар сарын 1-нд баруун аймгуудын нутгийн хойд, төвийн аймгуудын нутгийн зарим газар, зүүн аймгуудын ихэнх нутгаар бороо, нойтон цас, 2-нд баруун аймгуудын нутгийн зүүн хэсэг, төв болон зүүн аймгуудын ихэнх нутгаар, 3-нд нутгийн зүүн хагаст, 4-нд зүүн аймгуудын нутгийн зүүн хэсгээр хур тунадас орно. Салхи 1, 2-нд говь, тал, хээрийн нутгаар, 3-нд нутгийн өмнөд хэсгээр түр зуур секундэд 16-18 метр хүрч ширүүсэж, шороон болон цасан шуурга шуурах төлөвтэй байгааг анхааруулсан юм.
